E fundit!

16:50 Aktualitet

Siguroi kushtet për të kryer vrasjen e Hajrullës dhe Matodashajt/ GJKKO shpall dënimin për Erio Zejnon

Gjykata e Posaçme ka dënuar me 7.4 vjet burg Erio Zejnon, ...

Dëgjimi i rregullt i muzikës ul rrezikun e demencës

16 Nëntor 2025, 08:48, Shëndeti CNA

Dëgjimi i këngëtarëve tuaj të preferuar mund të bëjë më shumë sesa të përmirësojë humorin tuaj - mund të mbrojë edhe trurin tuaj.

Një studim i ri nga studiues australianë zbuloi se të moshuraritqë dëgjonin rregullisht muzikë kishin një rrezik 39% më të ulët për të zhvilluar demencë krahasuar me ata që nuk e bënin muzikën pjesë të jetës së tyre të përditshme.

Hulumtimi, i botuar së fundmi si pjesë e Studimit ASPREE, ndoqi më shumë se 10,000 persona të moshës 70 vjeç e lart për rreth një dekadë për të eksploruar faktorë të ndryshëm të stilit të jetesës të lidhur me plakjen e shëndetshme.

“Muzika ishte një nga fushat për të cilat ishim të interesuar”, tha për The Ëashington Post , studiuesja e lartë Joanne Ryan , drejtuese e njësisë së Neuropsikiatrisë Biologjike dhe Demencës në Universitetin Monash.

Ryan shtoi se ata zbuluan se në atë periudhë kohore, ata performuan më mire në detyrat e kujtesës dhe gjithashtu në një test të funksionit kognitiv global.

Nga 10,893 pjesëmarrës, rreth 7,000 thanë se dëgjonin muzikë shumicën e ditëve dhe kishin uljen më të madhe të rrezikut të demencës.

Ryan theksoi se studimi nuk mund të vërtetojë se dëgjimi i muzikës parandalon drejtpërdrejt demencën, por rezultatet ishin mjaft të forta për të sugjeruar një lidhje të mundshme.

Ryan vuri në dukje se muzika ka treguar se përmirëson humorin dhe stimulon zona të shumta të trurit.

Studiues të tjerë thonë se dëgjimi i muzikës aktivizon zonat motorike, zonat shqisore dhe rajonet që përpunojnë emocionet dhe imagjinatën.

“Një nga gjërat që duket se është me të vërtetë e rëndësishme është thjesht t’i bëjmë të gjitha këto zona të komunikojnë me njëra-tjetrën në mënyra kuptimplote”, tha për The Post Elizabeth Margulis, drejtoreshë e Laboratorit të Njohjes Muzikore në Universitetin e Princetonit.

Për më tepër, studimi zbuloi gjithashtu se të luajturit muzikë ofroi një përfitim të vogël, por prapëseprapë të rëndësishëm, duke ulur rrezikun e demencës me rreth 35%.

“Dëgjimi i muzikës është neuroprotektiv”, tha për The Post neuroshkencëtari Daniel Levitin , i cili nuk ishte i përfshirë në studim . Ai shtoi se kjo ndërton rezistencë dhe ndihmon në mbrojtjen e trurit duke krijuar shtigje të reja nervore./ CNA