E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

7 lloje pushimi që na duhen sipas studimeve të Harvardit

28 Janar 2026, 07:37, Shëndeti CNA

Edhe nëse flejmë mjaftueshëm, shumë njerëz zgjohen duke u ndjerë të lodhur apo “të mjegulluar” mendërisht, edhe kur kanë fjetur sasinë e orëve që ekspertët rekomandojnë. Kur mjekët nuk gjejnë ndonjë problem shëndetësor, një pyetje mbetet: pse trupi dhe mendja nuk arrijnë të pushojnë vërtet?

Një mundësi është se shpesh e kufizojmë pushimin vetëm te gjumi, por në të vërtetë gjumi është vetëm një formë e pushimit dhe ka forma të tjera që shpesh na mungojnë më shumë.

1. Pushimi fizik

Gjumi dhe dremitjet janë të rëndësishme, por edhe lëvizje të buta si ecja, yoga apo shtrirjet konsiderohen forma aktive të pushimit fizik.

2. Pushimi mendor

Kur mendja “vrapon” dhe ke vështirësi të përqendrohesh, mendimi, apo të përpunosh informacionin, atëherë ty mund të të duhet pushim mendor. Praktika e shkrimit të detyrave para gjumit ndihmon që truri të “mbyllë” punët e ditës.

3. Pushimi shpirtëror

Ndjenja e boshllëkut, e cila të bën të ndihesh çuditshëm apo i shkëputur, mund të jetë shenjë që të duhet një pushim shpirtëror. Kjo nuk do të thotë vetëm praktikë fetare, por edhe lidhje me natyrën, vepra vullnetare apo angazhim në komunitet që të bëjnë të ndihesh i plotë.

4. Pushimi i sensorëve

Ekspozimi i vazhdueshëm ndaj ekranëve, tingujve dhe njoftimeve mund të çojë në mbingarkesë të sistemit nervor. Shmangia e pajisjeve, ulja e dritës apo qetësia mund të ndihmojnë sistemin të “restaurohet”.

5. Pushimi krijues

Nuk është vetëm për artistët, ndjenja e ngecjes, e mungesës së inspirimit apo vështirësi në gjetjen e ideve janë shenja që të duhet pushim krijues. Shikimi i artit, natyrës apo ekspozimi ndaj bukurisë ndihmon ta rilidhësh mendjen krijuese.

6. Pushimi emocional

Të kujdesesh vazhdimisht për të tjerët, qofshin fëmijë apo të afërm të sëmurë, mund të të lodhë emocionalisht. Pushimi emocional përfshin shprehje të ndjenjave pa frikë nga gjykimi, duke shkruar në një ditar apo duke folur me një mik të besuar.

7. Pushimi social

Jo gjitha kontaktet shoqërore janë rigjeneruese. Kur ndihesh i/e lodhur apo i/e vetmuar edhe kur je me njerëz, atëherë ke nevojë për pushim social, duke thënë “jo” ndaj ftesave që të rëndojnë dhe duke investuar më shumë në lidhje që të bëjnë të ndihesh mirë./CNA