web counter
LEXO PA REKLAMA!

SHKARKO APP

App Store
Google Play

E fundit!

x

KONSUMIMI I ÇMENDUR I LËNGUT TË FRUTAVE

15 Janar 2026, 15:14, Shëndeti Altin Joka

KONSUMIMI I ÇMENDUR I LËNGUT TË FRUTAVE

Të ishte më i mirë se frutat, Zoti do të krijonte lëngje në pemë.

Lëngu i frutave të freskëta është pothuajse po aq i rrezikshëm sa soda sidomos kur konsumohet në sasi.

Mendoni për një moment këtë krahasim:

Kur uleni të pini një gotë lëng portokalli, në disa sekonda ju konsumoni lëngun e 4 portokalleve të mesme.

Ndërsa për të ngrënë 4 portokalle të plota, do t’ju duheshin minuta të tëra, përtypje, ngopje dhe reagim natyral i trupit.

Kjo është arsyeja pse fruti në formën e tij të plotë është gjithmonë zgjedhja më e mirë.

Këtu flas për çdo lëng frutash, por veçanërisht lëngu i portokallit, i cili sipas disa studimeve lidhet me rritjen e proceseve tumorale kur konsumohet shpesh dhe në sasi, duke favorizuar terrenin biologjik të rritjes të tumorit.

PSE LËNGU I FRUTAVE ËSHTË PROBLEMATIK?

Rreziku kryesor lidhet me fruktozën.

Në qershor 2014, dhe i rishikuar në 2021, një studim i botuar në revistën "Nutrition" tregoi se:

Lëngu i frutave përmban mesatarisht 45.5 gramë fruktozë për litër

Soda përmban rreth 50 gramë për litër

Pra, diferenca është minimale.

Trupi i njeriut nuk është i dizajnuar për një mbingarkesë kaq të shpejtë më fruktozë.

Sidomos në mëngjes kur trupi vjen nga agjërimi i natës, mëlçia ka ulur rezervat e glikogjenit dhe insulina reagon më shpejt.

Mëlçia në mëngjes po rregullon hormonet dhe sheqerin në gjak.

Ndryshe nga glukoza që përdoret nga qelizat si energji, fruktoza përpunon pothuajse ekskluzivisht në mëlçi, ku:

shndërrohet në yndyrë

rrit steatozën hepatike

nxit rezistencën ndaj insulinës

favorizon inflamacionin kronik

Llogariteni sa shpejt e bombardoni mëlçinë brenda disa sekondave me një gotë lëng frutash.

A DUHET TË NDALOHEN TË GJITHA LËNGJET?

Joo.

Në raste specifike shëndetësore, për një kohë të kufizuar, dhe të kombinuara me një dietë të qartë terapeutike, disa lengje mund të përdoren si mjet ndihmës.

Në raste të caktuara mund të jenë të nevojshme:

lëngu i shegës

lëngu i domates

lëngu i mollës (i kombinuar)

lëngu i kumbullës

lëngu i karotës dhe ananasit

Por jo për konsum të përditshëm, jo për qejf, jo pa kriter.

Mesazhi është i qartë:

Lëngu i frutave nuk është frut, është sheqer i lëngshëm me impakt të shpejtë metabolik.

Fruti hahet, nuk pihet, ndryshe Zoti do të krijonte lëngje në pemë, jo fruta.

Personalisht gjatë një viti mund të konsumoj 2-3 gota lëng frutash./ CNA





Lajmet e fundit nga