web counter
LEXO PA REKLAMA!

SHKARKO APP

App Store
Google Play

Poezitë e famshme të Lolitës për prokurorin: “Kur pluhuri mbi dosjen 5D ngrihet në erë…”

14 Janar 2025, 18:38, Satire CNA
Poezitë e famshme të Lolitës për prokurorin: “Kur
Faqja e Lolites, logoja

Faqja satirike “Lolita” ka vënë në qendër të satirës së saj situatën në të cilën ndodhet Erion Veliaj pasi SPAK po heton pasurinë e tij dhe të familjarëve ndërkohë që janë 4 akuza që rëndojnë mbi të ajo e korrupsionit pasiv, korrupsionit aktiv, fshehje e pasurisë dhe pastrim parash.

Përveç postimeve të shumta që në krye të tyre ka vendosur prokuorin Olsi Dado, i cili po kryen dhe hetimet ndaj Veliajt dhe familjarëve, faqja satirike Lolita i ka dedikuar disa vargje poezi, prokurorit.

Ne po iu sjellim mjeshtërinë e Lolitës dhe poezitë dedikuar Olsi Dados që mund t’i lexoni më poshtë.

 

1.

Prekurori në heshtje qëndron në detyrë,

Në sy të tij flakë ndjenja e së drejtës,

Më duaj dhe mua në të njëjtën mënyrë

Më duaj si shkodranët gjumin e drekës.

Shpirti i tij rend nga hija e dosjeve

Dëshirat e fshehta ngjajnë me stuhi,

Përfito nga trupi im si arti i fondeve,

Ëndrrën erotike ma zgjon pakufi.

Ols, zgjohu nga ndjenja që të thërret!

Prek urdhër-arrestin, pastaj dhe mua,

Unë duroj, por detyra s'të pret,

Shumë të urrejnë, por unë TË DUA!

 

2.

Si dosjet e fryra që në SPAK presin,

Gishtat e Olsit të na prekin me pasion,

Pres dhe unë me prekurorë të heq vesin

Të jem si KPK që imtësisht i kalon...

Më lër të jem urdhër-arresti që rrëshket mbi buzë,

Një incenerator i padukshëm që digjem ngadalë,

Të derdhem mbi ty si aktakuzë

Në imagjinatën time të mbetesh gjallë.

Si Nesti Angoni të mbetem e fshehtë,

Të të vij në ëndrra pa Elman Abule,

O prekurori im firmosi pak ato fletë,

Pastaj vizato në qafën time një lule!

 

3.

Afërsia e prekurorit

Përherë të kujtoj,

kur dielli mbi Lanë ndriçon për mua

Përherë të kujtoj,

kur hëna mbi re shkëlqen mbi kulla.

Përherë të kujtoj,

kur pluhuri mbi dosjen 5D ngrihet në erë

Në natë e terr,

kur ecën nëpër pyll orbital shtegetari i mjerë.

Gjithë të ndëgjoj, kur ngrihet valë e thellë

Në bregdet, andej nga Durrësi

Ku 5D po ndërtonin hotel

Gjithë jam me ty: kur lali Eri është humbësi.

Te shoh matanë

Po ngryset: ndrisin yjet e pambaruar

Ylli Rakipi dhe Ylli Ndroqi

Se Ylli Manjani paska ndryshuar...

 

4.

Në këtë janar ti je akull dhe borë,

Unë jam zjarr dhe avulli që të shkrin,

Këtë mëngjes minuta është orë,

Mungesa jote nuk ka zëvëndësim.

Shoqet më pyesin çdo ditë për ty,

Të duam të gjitha, por unë më shumë,

As qerosat me G Class s'më hyjnë në sy,

Ti vjen në ëndrra dhe më lë pa gjumë!

Në mungesën tënde kafe turke po pi,

Pastaj filxhanin përmbys do e kthej,

Ç'do bëhet me atë dosjen dua të di,

Pastaj do vij vetë në Durrës të të gjej!/ CNA





Lajmet e fundit nga