E fundit!

19:51 Politikë

Protestat kundër qeverisë/ Hasimja: Nuk mjafton thjesht dorëheqja, problemi nis nga vota

Politologu Ermal Hasimja tha sot se prej protestës qytetar...

Merhum Këllira i shkruan letër zdromsit

9 Prill 2025, 18:28, Satire CNA

Merhum Këllira, i mërzitur nga zhvillimet e fundit pasi nuk mundi dot të nxirrte nga burgu zdromsin e tij, i mërzitur shumë sepse kishte humbur një betejë me njerëzit që mendonte se e besonin, ju drejtua me një letër të drejtpërdrejtë mikut që ndodhej në qeli.

Merhum Këllira i shkroi:

I dashur zdroms,

E di që ndodhesh i vetmuar në një qeli të ftohtë, që ngrohjen ta hap kur do apo nuk do Ulsiu, apo Ulziu si i thotë ai i mallkuari Sali.

Unë me Saliun isha 20 e kusur vite, punova dhe me Bashkim Gazideden, por kurrë nuk pata paratë dhe sukseset që pata me ty. Ndaj dhe unë ta tregova besnikërinë time dhe të mbështeta deri në fund.

Ti je aty brenda. Ti po vuan. Po vuan për mua. Po vuan për katunarin Talon, por ne jemi me ty.

Jemi me ty, zdroms i dashur dhe nga vila ime në Ndroq ku ti më solle rrugën, nga vila ime në Ndroq ku një ministër tjetër që unë e akuzoj të korruptuar që paguan portale kundër teje më solli dritat, nga vila ime në Ndroq, në një tokë që e kam blerë me 2 lekë, ku kam Skënderin në krah mendoj për ty.

Mendoj për ty i dashur zdroms, kur unë shkoj rrugës për në Peshtan. Atje te vila ime që e ndërtuan biznesmenët që më solle ti.

Në fakt jo të gjithë se disa të tjerë m’i gjeti puna ime. Puna ime me tërmetin dhe tenderët në jug, puna ime me kandidatët në Sarandë, Delvinë, Gjirokastër. Nuk luftova kot që t’ia futja Koços, qëllimi ishte t’i zija vendin.

E më tej zdroms i dashur ç’mund të të them? Kur shkoj në Peshtan dhe shoh agrokulturën e prodhuar nga sallami që e mbaj si logo. Në fakt më ka paguar më shumë se ty, por dhe ti nuk më ke paguar pak.

Unë sërish mendoj për ty. E nga Peshtani në Ksamil, te porta e hotelit të ri aty ku mendoj se e ardhmja vlen shumë ti do të vish dhe do pushosh.

Megjithëse me një kredi të vogël, as 200 milionë lekë, unë kam ndërtuar një hotel që mund ta shes 5 milionë euro falë ndihmës tënde, të kryebashkiakëve të jugut, falë detyrës sime si një Koço Kokëdhimë i dytë.

I dashur zdromsi im,

Hoteli ka pishinë në tarracë, ka dhe plazh privat. Nuk e quaj më kot Porta e Hotelit. Jemi në hyrje, fitojmë shumë. Dhe, ato që s’fitojmë na e sjellin ata që u japim punë.

Tani kam marrë dhe një hotel tjetër. Fëmijët i kam bërë 4-5 kompani, punojnë në shtet, janë mirë shumë.

Unë jashtë po vuaj për ty. Më mungon ti, zdromsi im.

Edhe pse nuk më doje shpesh pranë dhe më thoshe pse mban kaq shumë erë, era ime është sepse nuk lahem.

Sipas shkencës, sa më pak të lahesh aq më mirë është sepse trupi ruan bakteret dhe bakteret e mia janë të shëndetshme sepse ruajnë lekët dhe pasurinë që fitova me ty zdroms.

Tashmë dhe ti do mësohesh me bakteret, i dashur miku im. Aty në qelinë e ftohtë ku së bashku ia futëm Terit, ia futëm Tigrit, ia futëm dhe drejtorëve të tu, duam t’ua futim dhe disa ministrave të tjerë, por një gjë të them unë mendoj për ty kurse Taloni nuk mendon për ty i dashur zdroms.

Të puth fort, me mall Këllira Jote./ CNA