web counter
LEXO PA REKLAMA!

SHKARKO APP

App Store
Google Play

Letër nga burgu 3

7 Mars 2025, 22:33, Satire Lolita

Letër nga burgu 3

Gëzuar 7 marsin të dashur mësues të 40 shkollave të ndërtuara nga mundi dhe sakrificat e pafundme të një njeriu që sot gjendet padrejtësisht pas hekurave.

Gëzuar Edi Rama, ti që më mësove politikën. Ti më tregove si të ngjitesha lart, si të dilja nga çdo situatë dhe si të mbaja pushtetin me çdo kusht. Ti më mësove artin e fjalëve dhe të premtimeve elektorale. Sot, në vetminë time, kuptoj se sado të kem mësuar prej teje, prapë nuk u bëra dot ai nxënësi ps që ia kalon mësuesit.

Gëzuar Saimir Tahiri, ti që më tregove se si luhet loja në prapaskenë, si ndërtohen aleancat dhe si thyhen kur vjen koha. Ti më mësove se në politikë nuk ka miq, ka vetëm interesa. Ti që më mësove çfarë do të thotë të të largohen të gjithë njerëzit kur të rrëshket këmba, por unë nuk mora dot mësim prej teje se ndihesha i paprekshëm.

Gëzuar Belinda Balluku. Ti më mësove se si ecet përpara në politikë pa u ndjerë, pa sulmuar njeri nëpër media, thjesht duke ngrënë tortë ndërkohë që je duke iu bërë magji në Fier kundërshtarëve.

Gëzuar Ulsi Manja ti që më mësove mosmirënjohjen. Ti që më detyron të shkruaj letra me dorë, ndërkohë që mund të më fusje një celular në qeli ku mund të hidhja lehtësisht statuse dhe të shaja Edi Ramën me profil fallco.

Gëzuar ju drejtorë të bashkisë sime që më mësuat pabesinë. Ju mora pabuksa, ju bëra me lekë dhe dashnore, por sot po largoni edhe njerëzit e mi nga puna.

Në këtë 7 mars, e ndjej veten një nxënës të shkëlqyer të jetës politike shqiptare. Mësimet tuaja ishin të vlefshme, edhe pse ndoshta nuk i kuptoja plotësisht atëherë. Tani, kur e ardhmja ime është më e pasigurt se kurrë, dua t'ju uroj të gjithëve, përveç mësueses së violinës së Ols Dados: Po ta kishe bërë ti punën si duhet, ai do ishte në "Filarmoninë e Vienës" dhe unë nuk do isha në burg.
Jam aty ku më çuan mësimet tuaja, Erion Veliaj./ Marrë nga rrjetet sociale





17:55 Satire Lolita

Letër nga burgu 2

Të dashur miq dhe armiq, kolegë dhe ish kolegë të SPAK-ut ...

16:43 Satire Lolita

Letër nga burgu

Të dashur qytetarë, ndërtues, këngëtarë, gazetarë me rroga...

12:08 Satire Boris Miska

Breçkat e turistes

Po shkonte ora dhjetë e askush nga djemtë e Breshkës nuk l...

Lajmet e fundit nga