web counter
LEXO PA REKLAMA!

SHKARKO APP

App Store
Google Play

Zgjedhjet 2025/ Baçi, i bindur: Qeveria teknike do realizohet

4 Nëntor 2024, 19:11, Politikë CNA

Deputeti i PD-së për qarkun e Fierit, Luan Baçi, ka mohuar në mënyrë kategorike bojkotin e zgjedhjeve të 2025-ës.

Në një intervistë për CNA TV, Baçi tha se gabimet si bojkoti apo djegia e mandateve te deputetit nuk do të përsëriten.

“Fjala bojkot nuk ka më vend fare te PD-ja. Në kuvendin e 11 dhjetorit, ai statu ka sanksionuar se zgjedhjet nuk do të bojkotohen asnjëherë dhe këtë nuk e ka në dorë askush për të vendosur. Do të ketë me sezbën dhe duhet të ketë qeveri teknike për zgjedhje të lira dhe të ndershme. Ndryshe ka për të pasur stabilitet. Sot opozita nuk është si e 8 viteve më parë, me lidershipin e shitur të atëhershëm. Sot është një opozitë me një PD në krye që ka për kryetar Sali Berishën të zgjedhur me një anëtar një votë dhe që nuk mund ta kalojnë këtë kufi të vendosur nga qytetarët. Bojkoti i zgjedhjeve të 2019-ës dhe dalja nga Parlamenti para këtyre zgjedhjeve kanë qënë vetëvrasje për PD-në, ka qënë e pafalshme”, u shpreh ai.

Zgjedhjet 2025/ Baçi, i bindur: Qeveria teknike do realizohet
Deputeti i PD-së për qarkun e Fierit, Luan Baçi

Për të shmangur situata të tilla politike, deputeti tha se qeveria teknike duhet të jetë e përcaktuar me ligj.

“Për të garantuar zgjedhje të lira dhe ndershme, kemi shembullin e Maqedonisë së Veriut, nuk kemi pse të bëjmë shpikje.Një qeveri teknike për të garantuar zgjedhjet, madje të jetë e përherëshme në kuptimin që të jetë e sanksionuar me ligj, që sa herë të ketë zgjedhje edhe kur PD-ja të jetë në pushtet të ketë një qeveri teknike përgjegjëse për menaxhimin e zgjedhjeve për të most ë pasur kontestime”, deklaroi Baçi.

PD-ja kërkon ngritjen e një qeverie teknike që do të garantonte zbatim të ligjeve dhe zgjedhje të lira dhe të ndershme në pranverën e 2025-ës./ CNA





Lajmet e fundit nga