web counter
LEXO PA REKLAMA!

SHKARKO APP

App Store
Google Play

"Vorio Epiri një term i vdekur”/ MEPJ greke-Ramës: Respekto të drejtat e minoritetit

3 Nëntor 2024, 19:48, Politikë CNA
"Vorio Epiri një term i vdekur”/ MEPJ greke-Ramës: Respekto
Kryeministri Edi Rama

Ministri e Jashtme greke ka reaguar pas deklarateve të Kryeministrit Edi Rama në Selanik, ku ai tha se disa individë ishin angazhuar në protestë kundër ardhjes së tij, duke përdorur fletushka dhe parulla që lidhen me termin e “Vorio Epirit”.

Në përgjigje të deklaratës, Ministria e Jashtme greke tha se historia midis dy vendeve nuk ndryshon.

Gjithashtu, pala greke kërkon respektim të të drejtave të minoritetit etnik grek në Shqipëri, si kusht për procesin e anëtarësimit të Shqipërisë në BE.

 “Historia midis dy vendeve nuk ndryshon, prandaj është i nevojshëm respekti i plotë nga ana e Shqipërisë, të të drejtave të minoritetit etnik grek. Ky përbën një kusht eksplicit për procesin e anëtarësimit të Shqipërisë, sipas qëndrimit unanim të 27 vendeve anëtare të Bashkimit Evropian të datës 11 tetor 2024”, thuhet në deklaratë.

Gjatë takimit të Ramës me emigrantët shqiptarë në Greqi, kanë marrë pjesë edhe anëtarë të organizatave nacionaliste, të cilët kanë zhvilluar një protestë jashtë One Salonica.

Siç thanë demonstruesit, ata po reagojnë ndaj pranisë së kryeministrit shqiptar në Selanik, pasi sipas tyre “shteti shqiptar po shkel sistematikisht të drejtat e njeriut të minoritetit të njohur grek të Vorio-Epirit”, raportojnë mediat greke.





Lajmet e fundit nga