web counter
LEXO PA REKLAMA!

SHKARKO APP

App Store
Google Play

Zhupa: Denaj të ndalë presionin, të japë llogari për skandalin me vaksinën e Brucelozës

2 Nëntor 2024, 18:20, Politikë CNA
Zhupa: Denaj të ndalë presionin, të japë llogari për
Deputetja e PD-së, Ina Zhupa

Gazetarja Rudina Muça denoncoi këtë të shtunë se pas një raportimi të saj, ministrja e Bujqësisë, Anila Denaj e ka kërcënuar se do t’i shkarkojë nga puna motrën.

Për kërcënimit të gazetares ka reaguar deputetja e PD-së, Ina Zhupa.

Kjo e fundit i kërkon Denajt të ndalë presionin dhe të japë llogari se pse nuk është bërë vaksina e Brucelozës, për të cilën është harxhuar 1.7 milionë euro.

“Anila Denaj të ndal presionin ndaj gazetares së Top Channel, Rudina Muca me shkarkim nga puna të motrës së saj dhe të jap llogari për faktin se ministria që drejton nuk e ka kryer vaksinën kundër Brucelozës edhe pse kjo vaksinë ka kushtuar 1.7 milion euro.

Denoncimi kurajoz dhe profesional në shërbim të interesit publik duhet të bëj që organet kompentente të hetojnë.

Ministrja Denaj në vend të kërcënimit ndaj familjarëve të gazetares me qëllim intimidimin dhe presionin për mos nxjerr të vërtetat, duhet të mbaj përgjegjësi për dikasterin që drejton. Bujqësia në fakt është nga sektorët më të dështuar të kësaj qeverie ku janë të specializuar për zhdukjen e fondeve europiane dhe shqiptare.

Këto akte tregojnë fare qartë edhe për regresin që tregonte Bashkimi Europian në raport me lirinë e medias dhe që aferat qeveritare nuk marrin përgjigje me hetim të fajtorëve por me kërcënim dhe intimidim të denoncuesve”, thekson Zhupa./ CNA





Lajmet e fundit nga