web counter
LEXO PA REKLAMA!

SHKARKO APP

App Store
Google Play

E fundit!

x

“Enveristja” dhe Rama/ Pensionistja “lan e lyen” kryeministrin me lajka

1 Nëntor 2024, 22:45, Politikë CNA

Kryeministri Edi Rama zhvilloi një takim me pensionistët në qytetin e Korçës. Në fundin e diskutimeve, një pensioniste mori fjalën, dhe me etiketimet tipike të kohës së diktaturës, nisi të thurrte lavde ndaj kryesocialistit Rama, duke shkaktuar edhe të qeshura në sallë.

Ndryshe nga të moshuarit e tjerë në vend, të cilët kërkojnë rritje të pensioneve, pasi kostot e jetesës janë të papërballueshme, pensionistja nga Korça u shpreh shumë e kënaqur me punën e Ramës.

Po ashtu, u shpreh e gatshme të punojë për PS-në, ndërsa nuk e fshehu se në të kaluarën ka qenë edhe mbështetëse e Partisë Komuniste.

“Enveristja” dhe Rama/ Pensionistja “lan e lyen”

“Jemi shumë krenarë për shokun Edi Rama! Mua?! Unë jam e vjetër, jam anëtare e partisë që në kohën e atij…Sot e vazhdoj këtë rrugë dhe kam 50 vjet që punoj. Puna e partisë në Korçë është simbolike. Të gjithë punojmë për këtë parti”, u shpreh ajo.

Rama u vendos në siklet nga e moshuara dhe mënyrën se si do të komentohej nga opinion publik dhe kundërshtarët politikë.

“E di ça po mendoj tani?! Kur këta që nuk na mundin dot, dëgjojnë njerëz si ti, tmerrohen se thonë “Obobo, ku ka Zot që i kthen këta!”. Mendojnë se jeni të çmendur, nuk e kuptojnë se të çmendur janë ata”, deklaroi Rama duke qeshur.

Mesa duket në PS nuk mungojnë pasuesit dhe adhuruesit e Partisë Komuniste. Një ditë më parë, kreu i qeverisë u vendos me “shpatulla pas muri” nga pensionistët gjatë një emisioni televiziv, ndërsa të premten në Korçë na u rikthye për disa çaste kulti i individit./ CNA





Lajmet e fundit nga