E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Deklarata e Ramës për mbetjet toksike/ Muçollari: Kulmi i transparencës erdhi mbrëmë…

1 Nëntor 2024, 22:16, Politikë CNA

Deklarata e Ramës për mbetjet toksike/ Muçollari: Kulmi i

Anëtari i Kryesisë së PD-së, Grigels Muçollari

Anëtari i Kryesisë së PD-së, Grigels Muçollari ka komentuar deklaratat e bëra mbrëmjen e djeshme nga kryeministri Edi Rama.

Muçollari ka deklaruar se në rrjetet sociale se Rama shpërdoroi mbrëmë mundësinë për të bërë transparencë lidhur me mbetjet e rrezikshme.

Ai është shprehur se Kryeministri e ka bërë situatën edhe me të dëmshme, më acide e më toksike se sa e kanë sjellë në vetvete kontejnerët me mbetje.

Deklarata e plotë:

Kryeministri, i bezdisur në maksimum nga pyetja, e shpërdoroi edhe mbrëmë një mundësi për të bërë transparencë lidhur me mbetjet e rrezikshme, ato 2 mijë e 100 tonë lende që kanë mbetur në det të hapur, por vetem një milje larg Durrësit.

U pyet në Opinion për çështjen që është prej 3 muajsh tashmë shqetësim për qytetarët dhe tha se; kjo është njê proces.

Pra, sipas Edi Ramës, kaq meritojnë të dinë njerëzit për këtë histori.

As se ku burojnë, as ku mbahen, as ku ruhen, as si trajtohen, as ku shkojnë, as se ku janë, dhe as fare se çfarë masash po merren në vijim pasi Rrjeti i Bazelit zbuloi skandalin.

Qytetarët, familjarët, prindërit që janë në merak, që duan të dinë të vërtetën e lëndëve të rrezikshme deri në toksike, që duan të dinë sa helmuese janë, e pse janë lënë si mall pa zot, pse vertiten nëpër botë e kthehen prapë, ku gjenerohen e në sa vende në Shqipëri, a ka të tjera që vijnë tek ne e trafikohen, të gjitha këto Kryeminisri i kalon me një tundje nervoze koke dhe thotë; është njê proces.

Pikerisht kjo arrogancë, kjo mosdhënie llogarie, kjo mungesë totale transparence, kjo mosperfillje e njerëzve që një ditë ka emrin Kumbaro, një ditë Vengu, e mbreme atë të Kryeministrit e ka bërë situaten edhe me të dëmshme, më acide, e më toksike se sa e kanë sjellë në vetvete ato 102 kontejnerë.

Kjo ikje nga përgjegjësia i shton edhe më shumë dyshimet se kemi të bëjmë me lende të rrezikshme, dhe kemi të bëjmë me trafik ilegal ndërkombëtar të tyre.

Konventa e Bazelit ku ne aderojmë parashikon penalitete të forta për qeverinë e vendit ku kjo ndodh.

Dhe nuk ka dyshim. 2 prokurorë në Durrës nuk do ja dalin ta nxjerrin të verteten e anijes. Sepse nuk kanë mundësi të vënë para përgjegjësisë, Kumbaron, Vengun, apo Edi Ramën. Shaka e madhe do të jetë ky hetim. Një proces.../ CNA