web counter
LEXO PA REKLAMA!

SHKARKO APP

App Store
Google Play

E fundit!

x

Shteti Bektashi/ Rama: Ja pse e propozova, si do të funksionojë

31 Tetor 2024, 23:00, Politikë CNA
Shteti Bektashi/ Rama: Ja pse e propozova, si do të funksionojë
Kryeministri Edi Rama

Kryeministri Edi Rama foli mbrëmjen e sotme për propozimin e tij për ngritjen e Shtetit Bektashi.

Rama tha në emisionin “Opinion” se bektashinjtë janë në rrezik zhdukje dhe kryegjyshata nuk po funksionon.

Ai deklaroi se bektashinjtë nuk kanë mundësi për donacione dhe arsimimin e klerikëve dhe këto janë disa nga arsyet përse është menduar të ngrihet Shteti Bektashi.

“Është ide konkrete për shqiptarinë, shumë pozitive. Bektashinjtë janë fenomen kulturor me rol në historinë tonë. Bektashinjtë janë në rrezik zhdukje, pasi qendra është në Shqipëri. Kryegjyshata nuk po funksionon si kryeqendër. Bektashinjtë nuk janë mbarëbotërorë, nuk kanë mundësi për donacione dhe arsimimin e klerikëve”, u shpreh ai.

Sa i përket funksionimit të tij, kreu i qeverisë deklaroi se nuk do të ketë ndryshime kushtetuese, as polici të vetën, por do të ketë përfaqësim diplomatik.

Rama deklaroi se mbledhja e taksave do bëhet nga shteti shqiptar.

“Do marrë statusin e veçantë të juridiksionit sovran, ngritje në piedestal. Do ngrihet brenda të njëjtin perimetër. Do ketë përfaqësim diplomatik. Institucionet dhe mbledhja e taksave do bëhet nga shteti shqiptar. Nuk do ketë ndryshime kushtetuese, pasi nuk i hiqet asnjë centimetër shtetit”, theksoi kryeministri./ CNA





Lajmet e fundit nga