web counter
LEXO PA REKLAMA!

SHKARKO APP

App Store
Google Play

E fundit!

x

Eksponentët e PS-së, në duart e SPAK-ut/ Rama: Ndihem i lehtësuar kur ekspozohen zullumqarët

31 Tetor 2024, 22:34, Politikë CNA
Eksponentët e PS-së, në duart e SPAK-ut/ Rama: Ndihem i
Kryeministri Edi Rama

Kryeministri Edi Rama u pyet mbrëmjen e sotme për ministrat, ish-ministrat, kryebashkiakët dhe zyrtarët e PS-së që janë arrestuar apo ndodhen nën hetim nga drejtësia.

Rama tha se kushdo që ka bërë zullume i mbuluar me flamurin e PS-së duhet të zbulohet dhe të japë llogari para drejtësisë.

Ai deklaroi në emisionin “Opinion” se ndihet i lehtësuar kur dikush që ka shpërdoruar detyrën ekspozohet nga drejtësia.

“Kushdo qoftë që me flamurin e ps-së mbulohet për të bërë zullume të zbulohet dhe të dënohet. Unë ndihem i lehtësuar kur dikush që ka marrë mandat nga PS, dikush që ka marrë besim nga unë e ka shpërdoruar dhe ekspozohet nga drejtësia. Unë ndihem i lehtësuar. Përzgjedhja e njerëzve bëhet edhe mbi bazën e atyre që di. Në rrugën e jetës shumë njerëz rrugës, devijojnë, bien në gracën e përfitimit të paligjshëm dhe ka një sistem që i ndëshkon. Të të them që edhe kur larg qoftë je në familje mund të ndodhë që fëmija të dalë nga shinat”, u shpreh kreu i qeverisë.

Fevziu i nxori një tabelë me disa nga deputetët e PS-së që kanë probleme, ndërsa Rama kërkoi të mos futen të gjithë në një thes.

“Pse i fut të gjithë në një thes?! Rrahman Rraja ka dhënë dorëheqjen dhe s’ka pasur ndonjëherë probleme me drejtësinë. Nuk ka arritur dot të menaxhojë ose të ketë një djalë që nuk ia nxin faqen”, theksoi kryeministri./ CNA





Lajmet e fundit nga