web counter
LEXO PA REKLAMA!

SHKARKO APP

App Store
Google Play

Atentati në Shkodër/ Salianji: Ngjarje e paralajmëruar, ka degraduar rendi dhe siguria

31 Tetor 2024, 17:30, Politikë CNA
Atentati në Shkodër/ Salianji: Ngjarje e paralajmëruar, ka
Ish-deputeti Ervin Salianji

Ish-deputeti Ervin Salianji ka reaguar nga burgu për vrasjet në Shkodër dhe qëndrimin e qeverisë lidhur me këtë ngjarje.

Me anë të një letre, Salianji thotë se atentati i djeshëm ishte një ngjarje e paralajmëruar, pasi viktima Arlind Bushati ishte kërcënuar disa javë më parë.

Ai deklaron se është tmerr më vete mosreagimi i qeverisë për vrasjet, ndërsa pretendon se ka degraduar rendi dhe siguria publike.

Reagimi i plotë:

Humbja e jetës së qytetarëve të pafajshëm, guximi për të vrarë në mes të qytetit dhe humbja e autoritetit të shtetit janë tragjedi që parakalon në sytë e të gjithëve! Kronikë e një ngjarje të paralajmëruar ishte tragjedia e Shkodrës ku mbetën të vrarë qytetarë të pafajshëm! Policia nuk reagon ndaj kërcënimit me vdekje ndaj një të riu, e pafuqishme ta parandalojë krimin, e pafuqishme të kapë autorët, e pafuqishme të reagojë më shumë se agjensitë e lajmeve. Është tmerr më vete se si qeveria i shkel syrin krimeve në varësi të kalkulimeve elektorale, asnjë reagim qeveritar për vrasjet, ministri që belbëzon dhe rri para kamerave sikur i kanë drejtuar armën nuk guxon dot as të dënojë vrasjet dhe as të marrë masa, sepse ministri është i lejuar të fusë hundët tek parfumi i Elda Hotit për ta propoganduar si helm i shkatërrimit në masë por askush i thyejnë hundët nëse i fut tek punët e policisë, ata i emëron krimi e janë në shërbim të partisë shtet! Prandaj i turren protestuesve dhe zbythen nga kriminelet, prandaj nderojnë banditët dhe dhunojnë hallexhinjtë!

Degradimi i rendit dhe sigurisë publike, frika që kanë qytetarët për jetën, pronën, shëndetin, sigurinë nuk mund të zgjidhet nga ata që kanë krijuar problemin!
Ne do ti çmontojmë bandat me forcën e ligjit e do të mbajmë përgjegjës çdo kriminel e cdo pupac që i shërben atyre! Drejtësia vonon por nuk harron!/ CNA





Lajmet e fundit nga