web counter
LEXO PA REKLAMA!

SHKARKO APP

App Store
Google Play

E fundit!

x

Shehi, sërish rezerva për PD-në/ “T’i drejtohet qytetarëve për hallet e tyre, jo të vetat”

31 Tetor 2024, 18:47, Politikë CNA
Shehi, sërish rezerva për PD-në/ “T’i drejtohet
Kreu i LZHK-së, Dashamir Shehi

Kreu i LZHK-së, Dashamir Shehi, ka shprehur sërish rezerva për Partinë Demokratike dhe protestat e organizuara nga kjo e fundit.

Shehi tha në një dalje televizive se opozita duhet t’i drejtohet qytetarëve për hallet e tyre dhe jo të vetat.

Ai theksoi se nëse nuk ka kauzë, protestuesit do të tkurren në vend që të shtohen.

“Protesta më e rëndësishme është demonstrata e qytetarëve. Nëse mblidhen 30-40 mijë njerëz, qeveria ikën vetë sepse e sheh që nuk ka mbështetjen popullore. Protesta ka një element pozitiv, që ju kujton shqiptarëve se këtu punët nuk shkojnë mirë. Kjo është ana pozitive. Ndërsa ana negative është se protesta nuk ka konsistencën e duhur, sepse përfundon protesta e shpërndahen njerëzit. Protestuesit nuk po shtohen, lodhen dhe ata që vijnë, nëse nuk ka kauzë. Opozita duhet ta interpretojë frymën e popullit.

Opozita duhet t’u drejtohet qytetarëve për hallet e qytetarëve dhe jo për hallet e veta. Duhet që t’u drejtohet qytetarëve për pensionet, që të shkojnë së paku 300 mijë lekë të vjetra. Të rriten rrogat 20-30 përqind, që të ketë mundësi për kontribute për pensionistët. Rinia këtu ikën edhe për shkak të pasigurisë, sepse po vriten përditë, është mungesa e arsimit të duhur. Edhe korrupsioni është problem, sepse po vidhen shqiptarët”, theksoi Shehi./ CNA

 





Lajmet e fundit nga