web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Çyrbjas/ Rama: Ia kam lënë drejtësisë

31 Tetor 2024, 22:24, Politikë CNA
Arrestimi i Çyrbjas/ Rama: Ia kam lënë drejtësisë
Ish-deputeti i PS-së, Jurgis Çyrbja

Ish-deputeti i PS-së, Jurgis Çyrbja, u arestua me urdhër të SPAK-ut, pasi në përgjime rezulton se është propozuar si kandidat për deputet nga bandat kriminale.

Për këtë çështja ka reaguyar mbrëmje e sotme edhe kryeministri Edi Rama, i cili ka pretenduar se kjo nuk është e vërtetë.

“E para punës njëherë hetimi nuk është për këtë dhe nuk rezulton kështu. Këto janë broçkullat që fliten nëpër telefonat e bandave. Nuk është aspak e pamundur që në një vend si yni njerëzit të dijnë diçka paraprakisht dhe të flasin. Ai është sot subjekt i drejtësisë për një temë që e ka sqaruar vetë organi që ka vepruar”, u shpreh ai

I pyetur në emisionin “Opinion” për akuzat se Çyrbja ka marrë dokumente shtetërore sekret dhe ua ka dhënë bandave, Rama deklaroi se këto gjëra i takojnë drejtësisë.

“Për ato arsye që thotë organi përkatës, ai është sot prapa hekurave. Për këtë e kemi ndërtuar drejtësinë. Përzgjedhja e njerëzve bëhet mbi bazën e atyre që di, jo mbi bazën e asaj që njerëzit mund të bëjnë nesër. Shumë njerëz në rrugën e jetës devijojnë, bien në grackën e përfitimit të paligjshëm dhe për këtë arsye ka një sistem që i ndëshkon. Edhe në familje mund të ndodhë që fëmija që ke rritur e edukuar, mund të ndodhë që të del binarëve”, theksoi Rama./ CNA





Lajmet e fundit nga