web counter
LEXO PA REKLAMA!

SHKARKO APP

App Store
Google Play

Në hall nga mesazhet me Kryemadhin?/ Rama: Nuk ka bir nëne të…

31 Tetor 2024, 21:56, Politikë CNA
Në hall nga mesazhet me Kryemadhin?/ Rama: Nuk ka bir nëne
Kryeministri Edi Rama

Kryeministri Edi Rama u ndal tek akuzat për shkëmbime mesazhesh nga ai me deputeten Monika Kryemadhi.

Rama tha në emisionin “Opinion” se nuk merret me Kryemadhin, pasi ajo është hallexhie.

I pyetur nëse edhe ai e ndjen veten në hall nga drejtësia për këto mesazhe, kryeministri deklaroi se nuk e shqetësojnë gjëra të kësaj natyre.

Pjesë nga biseda:

Fevziu: Çfarë mesazhesh keni shkëmbyer me Monika Kryemadhin? A ka pasur pazare politike, të vendosim këtë drejtor, të vendosim këtë, të heqim këtë?

Rama: Më vjen shumë keq zonja është në hallin e vet dhe unë me njerëz që janë në hall të madh nuk debatoj.

Fevziu: A jeni ju në hall nga këto mesazhe përveç halleve të zonjës?

Rama: E di si është kjo pyetje të të them unë ti je në hall mo Fevzi se më dukesh içik i hutuar? Ti je në hall tani për shembull që po mi bën mua apo nuk po mi bën mua pyetjet e duhura? Çfarë pyetje është kjo?

Fevziu: Pyetje normale.

Rama: Nuk kam asnjë hall të kësaj natyre. E kam thënë dikur kur kam qenë më i ri dhe e kam pasur gjuhën më të lirshme në atë kohë. Nuk ka bir nëne apo bir tjetër që mua të më dalë përpara dhe të më thotë që një qindarkë e imja, e x, gjendet në xhepin tënd. Doli njëri, dhe ai njëri ka ardhur te unë më vonë dhe më ka shpjeguar se ishte ashtu puna etj. Kjo histori është një histori qensh, lehaqensh, dykëmbësorësh që kanë marrë rolin e qenit në mjedisin tonë publik dhe që lehin në të katërta anë dhe që i turren çdo njeriu e bëjnë çorbë dynjanë./ CNA





Lajmet e fundit nga