web counter
LEXO PA REKLAMA!

SHKARKO APP

App Store
Google Play

“Shkodra është transformuar nga kthetrat e krimit”/ PD, thirrje qytetarëve: Bashkohuni me ne të shtunën

1 Nëntor 2024, 11:57, Politikë CNA

“Shkodra është transformuar nga kthetrat e krimit”/ PD,

Këshilltarja e PD-së në Bashkinë e Shkodrës, Izmira Ulqinaku, u ka bërë thirrje qytetarëve të Shkodrës që të bëhen pjesë e marshimit që do të zhvillohet ditën e nesërme te Pedonalja në Shkodër në orën 12:00.

Ulqinaku u shpreh për mediat se Shkodra nga qyteti i Kulturës është transformuar në një kopje të shëmtuar të Palermos nga kthetrat e krimit.

“Në emër të Partisë Demokratike, u bëj thirrje të gjithë qytetarëve të Shkodrës, të gjithë prindërve që kanë vendosur të rrisin dhe edukojnë fëmijët në këtë qytet, të bëhen bashkë në marshimin protestë, ditën e shtunë, më datë 2 nëntor, ora 12:00, para Bashkisë Shkodër.

Shkodra, qyteti i artit e kulturës, qyteti i këngës e humorit, sot është transformuar në kopjen e shëmtuar të Palermos.

Shkodra, Zonja e madhe, tashmë është kryeulur nga kthetrat e krimit. Me bekimin e Edi Ramës, qyteti ynë është nënshtruar nga të fortët, të cilët sundojnë qytetin.

Pasiguria ndihet kudo!

Situatën nuk e zgjidh dot Rilindja e as banda e policisë. Ata janë palë në fushata, për të ruajtur njëri-tjetrin.

Ky terror që po instalon Edi Rama në Shkodër, do t’i kthehet shpejt në boomerang!

Diten e shtunë, ne do të marshojmë për liri.

Do të marshojmë kundër kthetrave të krimit.

Do të marshojmë për t’i kthyer lavdinë Shkodrës; për t’u kthyer qetësinë banorëve të saj.

Do të marshojmë për rendin e sigurinë e munguar.

Bashkohuni me ne, të shtunën, në pedonale para bashkisë, ora 12:00, në marshim!”, tha Ulqinaku./ CNA





Lajmet e fundit nga