web counter
LEXO PA REKLAMA!

SHKARKO APP

App Store
Google Play

Ligji për zonat e Mbrojtura/ Zhupa, padi në Gjykatën Kushtetuese

1 Nëntor 2024, 12:20, Politikë CNA

Ligji për zonat e Mbrojtura/ Zhupa, padi në Gjykatën Kushtetuese

Deputetja e PD-së, Ina Zhupa, ka dorëzuar në Gjykatën Kushtetuese padinë për ligjin për Zonat e Mbrojtura.

Sipas Zhupës, ky ligj nuk mbron interesin publik dhe interesin e përgjithshëm të qytetarëve, por vetëm interesin e Edi Ramës dhe miqve të tij me anë të të cilëve garanton vota për zgjedhjet e ardhshme.

“Meqenëse nuk kishte më vend, kjo nevojë e tyre u zgjidh nga Edi Rama duke i hequr mbrojtjen zonave të mbrojtura dhe duke i kthyer në sheshe ndërtimi për miqtë dhe klientët e Edi Ramës.

Ligji nuk mbron interesin publik dhe interesin e përgjithshëm të qytetarëve, por vetëm interesin e Edi Ramës dhe miqve të tij me anë të të cilëve garanton vota për zgjedhjet e ardhshme”, tha deputetja e PD.

Zhupa theksoi se Laguna e Karavastasë, Butrinti, kudo ku mund të vini gishtin mund të ndërtoni. “Mbrojtja do të jetë vetëm në letër. Si mund të jetë në interesin publik ky ligj kur në vend të një lagune, liqeni, florës, faunës do ketë beton, pishina dhe vila të oligarkëve. Ne kemi paditur sisa nene të Kushtetutës që shkelen me këtë lidh. Sot praktikisht në Shqipëri nuk ka më zona të mbrojtura. Çdo pikë në hartë, do jetë si pika e vogël e Mirela Kumbaros”, u shpreh ajo./ CNA





Lajmet e fundit nga