E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Edi Rama o psikopat, i ke lyer duart me gjak”/ Noka: Shkodra s’mund t’i nënshtrohet krimit

2 Nëntor 2024, 12:28, Politikë CNA

“Edi Rama o psikopat, i ke lyer duart me gjak”/ Noka: Shkodra

Nis marshimi i opozitës në Shkodër, të pranishëm përfaqësuesit e Partisë Demokratike dhe qytetarët të cilët janë mbledhur para bashkisë së Shkodrës.

Ngjarja kriminale e ndodhur pak ditë më parë në Dobraç, e orientoi opozitën të zhvendosë protestën në Shkodër, ku kërkojnë dorëheqjen e ministrit të Brendshëm dhe sensibilizimin e qytetarëve për të rrëzuar regjimin e Ramës.

Flamur Noka i pranishëm në protestë tha se Shkodra është kthyer në një vend krimini, ka qenë djepi i dijes dhe i kulturës dikur.

Sipas Nokës, e vetmja mënyrë për të rrëzuar narko-shtetin e Edi Ramës është të mblidhemi sëbashku për t’i dhënë fund krimeve.

Ndër të tjera, Noka shtoi se Shkodra nuk mund t’i nënshtrohet krimit të organizuar.

"Shkodra sot është djepi i krimit të organizuar dhe shkaktari i vetëm është Edi Rama dhe rilindja.
Prandaj jemi këtu për të sensibilizuar qytetarët e Shkodrës dhe të gjithë Shqipërisë kundër këtij krimi.
Nuk mundet Shqipëria, që ka hapur kapitujt e negociatave dhe është anëtare e NATO-s, të jetë vendi i krimit të organizuar, djepi i mafies.
Shqipëria duhet të jetë një Shqipëri tjetër, një Shqipëri normale.
Prandaj jemi këtu, për t’i thënë stop.
Plani është marshim, protestë marshim kundër krimit politik, kundër krimit me fytyrë shtetërore.
Policia nuk ka kohë të merret me ligjin, ka dalë nga binarët e ligjit pasi është një narkopolici.
Në momentin që policia ka në fokus luftën kundër opozitës, kjo është domethënëse.
Policia është njësh me krimin, sikundër i gjithë regjimi është nën kthetrat e krimit.
Mesazhi është për qytetarët të ngrihen kundër narkoregjimit, kundër krimit me pushtet, kundër këtij regjimi që po përpiqet të rrënojë Shkodrën dhe gjithë Shqipërinë.
Shqiptarët nuk mund të pranojnë një krim që është nën kthetrat e krimit."/CNA