web counter
LEXO PA REKLAMA!

SHKARKO APP

App Store
Google Play

E fundit!

x

Skema e pensioneve/ Rama: Ndaj bizneseve do të merren masa, duhet të paguajnë sigurimet

2 Nëntor 2024, 09:23, Politikë CNA
Skema e pensioneve/ Rama: Ndaj bizneseve do të merren masa, duhet të
Kryeministri Edi Rama

Në podcastin “Flasim” Kryeministri Edi Rama ka folur ndër të tjera edhe për pensionet, duke u shprehur se me rritjen ekonomike, do të ketë një rritje pensioneve.

Rama tha se mund të ketë 1000 mënyra për të fshehur pagat reale të punonjësve dhe nuk është e lehtë.

Ndër të tjera, ai theksoi se do të merren masa shumë të ashpra ndaj bizneseve dhe ndaj punonjësve që pranojnë të punojnë në të zezë.

Kryeministri tha se nga 2013 deri më sot janë futur në skemën e sigurimeve shoqërore mbi 300 mijë punonjës, që punonin në të zezë.

 “Fondi i pensioneve është i tillë që, ia merr atyre që paguajnë sigurimet çdo muaj dhe po në fund të muajit ia jep atyre që marrin pensione. Besoj shumë se do të ecim, sepse ka edhe një sensibilizim.

Çdo histori suksesi është histori e madhe. Në mungesë të këtyre duket se këtu ka vetëm politikanë që zihen, gazetarë që shajnë, ka vetëm kriminelë dhe krime që ndodhin dhe jashtë kësaj vorbulle, ka një Shqipëri të shkretë, që s’ka punë, që braktiset nga të gjithë, që këtu ka vetëm pleq. E kam krijuar këtë hapësirë me njerëz që bëjnë histori në historinë e përbashkët të këtij vendi dhe që përpiqemi të ecim përpara”, tha Rama./CNA





Lajmet e fundit nga