web counter
LEXO PA REKLAMA!

SHKARKO APP

App Store
Google Play

“Drejtësia e çliruar”/ Rama: Askush nuk do të mbrohet dot me flamurin e PS-së në kokë

3 Nëntor 2024, 11:55, Politikë CNA
“Drejtësia e çliruar”/ Rama: Askush nuk do të
Kryeministri Edi Rama

Kryeministri Edi Rama ka deklaruar nga Greqia se askush nga radhët e PS-së nuk do të mbrohet dot më me flamurin e partisë.

Rama tha se drejtësia është e çliruar nga duart e pushtetit dhe nuk ka më të paprekshëm.

Ky ishte një mesazh i koduar për socialistët, të cilët e konsiderojnë veten të paprekshëm dhe mendojnë se mund të kontrollojnë drejtësinë e re.

“Drejtësia e çliruar nga duart e pushtetit politik.

Për të kuptuar se sa e re, sa e madhe dhe historike është kjo që po ndodh mjafton të kthesh kokën pas, nuk ndodh të gjesh dot që nga 1912, një personazh me profil të lartë që është dënuar nga gjykata. Drejtësia ka qenë e frikësuar, e manipuluar. Sot drejtësia është çliruar nga duart e partisë në pushtet.

Mjafton të kujtoni Fatos Nanon që u dënua nga një drejtësi e pavarur dhe as për përfitime të paligjshme personale, por për një hesap të një partie në pushtet që e rrënoi Shqipërinë pa u hyrë një gjemb në këmbë. Sot kjo ka marrë fund. Jam krenar që ne PS udhëhoqëm një reformë në drejtësi që fshiu një pjesë të madhe të llumit me vetingun dhe sot po fshin zullumin e llumit shumëvjeçar.

Asnjëra nga vendet e reja të BE-së nuk e kanë bërë një reformë të tillë para se të hynin në BE. Kjo që po ndodh në Shqipëri nuk ka ndodhur në rajon dhe as në vendet që kanë çelur negociatat para nesh. Jam optimist dhe besimplotë se do ecim para pavarësisht bllokadave, e ardhmja jonë në BE nuk është më e largët, por është e gjitha në duart tona për ta afruar në harkun e 5 vitetve të ardhshme.

Nuk më vjen mirë për arsye personale, por më vjen mirë për arsye se jam krenar që me një vizion shtetbërës dhe kurajë patriotike dhe vullnet të hekurt politik, plotësisht të vetëdijshëm për dhimbjet që do sillte një reformë e tillë PS ia hoqi duart e pushtetit politik nga qafa i dha lirinë për të vepruar, për të mos parë majtas apo djathtas, por vetëm përpara.

Sot faktet e një lufte reale kundër korrupsionit i keni përpara. Sot ndihem moralisht shumë mirë kur përballem me ju dhe ju them kjo është arsye madhore pse vota juaj pranverën e ardhshme duhet të jetë për PS në mënyrë që kjo që ka filluar me drejtësinë të vazhdojë. Sot askush nuk është i paprekshëm, kushdo nga radhët tona nuk mbrohet dot më me flamurin e PS-së në kokë”, tha Rama./ CNA

 

 





Lajmet e fundit nga