web counter
LEXO PA REKLAMA!

SHKARKO APP

App Store
Google Play

E fundit!

x

Berisha-Ramës: Të gozhduan dy zonja, ngele ashtu siç je, e kupton vetë ti...

3 Nëntor 2024, 19:37, Politikë CNA
Berisha-Ramës: Të gozhduan dy zonja, ngele ashtu siç je, e
Kreu i demokratëve, Sali Berisha

Kreu i demokratëve, Sali Berisha hodhi akuza për vjedhje ndaj Kryeministrit Edi Rama dhe qeveritarëve të tjerë.

Ai tha se Rama është i pangopur me mundin e me djersën e shqiptarëve.

Gjatë fjalës së tij, Berisha rikujtoi debatin e Edi Ramës me dy pensioniste gjatë emisionit të Blendi Fevziut në “Opinion”, të cilat i kërkonin Kryeministrit rritjen e pensionit.

Berisha tha se ai debat do jetë më i forti në histori, sepse dy zonja gozhduan tiranin me të vërtetat e tyre.

"Rama me lubi Ballukun, me Veliajn e me kriminelët e tjerë Hajdutë kanë ndërtuar rrugë e shkolla me çmime 6 deri në 10 herë më të larta në Europë. Pasuritë publike Rama i ndan me trafikantët, me familjarët e me hajdutët e tij.

Me firmën e tij i merren pronarëve tokat e i jepen vëllait të tij hajdut. Rama armik i pangopur me mundin e djersën e shqiptarëve, mjafton që ai të pasurohet. Kur nuk ke turp, thua çdo gjë e bën çdo gjë, ky është rasti i Ramës. Ju e patë vetë se si e shpërfytyruan në një studio televizive, ku u mposht tirani. Dy zonja e gozhduan tiranin para gjithë shqiptarëve. Ja nxorrën shpirtin e tij të zi në shesh.

Sipas tij, fajin e ka Fevziu. O hajdut, fajin e ke ti se vjedh çdo gjë dhe prandaj je i aftë të mbulosh e të mashtrosh çdo gjë. Ato dy zonja përfaqësuan të vërtetën e Shqipërisë. Ngele siç je, e kupton vetë ti."/CNA





Lajmet e fundit nga