web counter
LEXO PA REKLAMA!

SHKARKO APP

App Store
Google Play

Berisha: 90% e investimeve publike vidhen nga Edi Rama

4 Nëntor 2024, 12:27, Politikë CNA

Berisha: 90% e investimeve publike vidhen nga Edi Rama

Ish-kryeministri Sali Berisha ka akuzuar kryeministrin Edi Rama dhe zv/kryeministren Belinda Balluku për vjedhje të investimeve publike.

Gjatë konferencës me gazetarët, Berisha tha se investimet në Shqipëri ndërtohen me 10-fishin e çmimit që ndërtohet sot në Kroaci dhe 90% të këtij çmimi i vjedh Lubia me Edi Ramën.

Berisha tha se po shkatërrohen punët publike, modeli më klasik në historinë e tyre është Unaza e Madhe e Tiranës.

 

"Është bërë i tmerrshëm mekanizmi i vjedhjes së shqiptarëve me punë publike.

Këto punë ndërtohen sot në Shqipëri me 10-fishin e çmimit që ndërtohet sot në Kroaci.

90 për qind të këtij çmimi i vjedh Lubia me Edi Ramën.

Se si shkatërrohen punët publike, modeli më klasik në historinë e tyre është Unaza e Madhe e Tiranës.

Ju duhet ta dini se kjo unazë 27 km në të gjithë gjatësinë e saj, nga të cilat 3 km e para ishin të mbaruara në vitin 2013, nga viti 2013 gjer sot ka përfunduar vetëm gjysma e kilometrave të mbetura.

Këtë vit dhe në vazhdim janë për t’u ndërtuar edhe rreth 12-13 kilometra të tjera.

Por çfarë kanë bërë Lubi Balluku dhe Edi Rama?

A mund të imagjinoni ju që të copëtojë për të vjedhur njëlloj siç copëtonte Edi Rama lejet për pallatet, e ka ndarë në 14 lote në mënyrë që në çdo lot të vidhet, të vidhet dhe vetëm të vidhet.

Të rikthehemi pak, ja pra pse ky është buxheti i vjedhjeve të mëdha, i ndëshkimit me vepra publike të qytetarëve shqiptarë.

I shndërrimit të këtyre veprave nga të dobishme, të leverdishme, në të paleverdishme, në disfatë, në dështim për qytetarin.

Merrni pak investimin që bëhet këtë vit, Bradashesh-Peqin, 160 milionë euro.

Ju kërkoj njerëzisht ju, anëtarëve të medieve, të shkoni ta bëni atë distancë dhe të shihni çfarë trafiku ka.

Unë nuk jam për moszgjerimin e rrugëve, por jam pa diskutim për një rend në të cilin duhet të sigurosh leverdishmërinë ekonomike dhe jo të ndëshkosh qytetarët me investime të tilla."/CNA





Lajmet e fundit nga