web counter
LEXO PA REKLAMA!

SHKARKO APP

App Store
Google Play

Prej kohësh “inekzistent” në politikë/ Basha sulmon protestat e opozitës

4 Nëntor 2024, 18:38, Politikë CNA
Prej kohësh “inekzistent” në politikë/ Basha sulmon
Lulzim Basha

Prej kohësh, Lulzim Bashës nuk i ndjehet zëri në politikë.

Basha shfaqet rrallëherë në seancat plenare, edhe më rrallë në studiot televizive, e ndonjëherë bën ndonjë status në rrjetet sociale.

Pavarësisht zhvillimeve të nxehta politike, Lulit nuk i ndjehet zëri, e për më tepër nuk shkon as në protestat e opozitës.

Madje, këtë të hënë ai ka sulmuar këto protesta, të cilat kanë pasur një pjesëmarrje tejet masive.

Basha pretendon se protestat e organizuara nga PD-ja nuk janë për të arritur në formimin e një qeverie teknike, por për të “mbuluar pazaret e njëpasnjëshme me Edi Ramën”.

“Protestat e sotme nuk janë për qeveri teknike. Ato janë për të mbuluar pazaret e njëpasnjëshme me Edi Ramën. E kanë të kotë. Jo se kështu them unë, po kështu thonë demokratët. Kështu thonë edhe ata që kanë qëndruar pas z. Berisha me shpresën se ky me të vërtetë për 6 muaj do ta rrëzonte Edi Ramën. E kanë kuptuar që as për 1 vit, as për 2 vjet nuk është hedhur asnjë hap serioz në këtë drejtim. Por përkundrazi janë rakorduar edhe një herë interesat e Sali Berishës dhe Edi Ramës me pazare si ato që tregova”, deklaroi Basha në një dalje televizive./ CNA





Lajmet e fundit nga