web counter
LEXO PA REKLAMA!

SHKARKO APP

App Store
Google Play

E fundit!

x

Veliaj, sërish në SPAK?/ Lala: Pritet të pyetet për dosjen “5D”

6 Maj 2024, 22:38, Politikë CNA
Veliaj, sërish në SPAK?/ Lala: Pritet të pyetet për dosjen
Gazetarja Klodiana Lala

Gazetarja Klodiana Lala ka folur mbrëmjen e sotme për marrjen në pyetje të kryebashkiakut Erion Veliaj nga SPAK-u, në lidhje me çështjen e inceneratorëve.

Lala tha në emisionin “Të Paekspozuarit” se Veliaj u pyet si person në dijeni, ndërsa la të kuptohet se kryebashkiaku mund të thirret sërish në SPAK.

Ajo deklaroi se Veliaj është në listën e personave që do të pyeten për dosjen “5D”, por theksoi se për këtë çështje nuk ka dalë ende një fletëthirrje.

“Është pyetur si person në dijeni, po hetohet roli i tij. Hetimi sapo ka nisur në raport me zotin Veliaj. Ka shumë pikëpyetje, marrëveshja e dherave, shmangia e Këshillit Bashkiak, udhëtimet e tij. SPAK nuk po heton vetëm shkresat, por edhe paratë. Se ku do ta çojë kjo pastaj, ta shohim.

Unë i kam bërë pyetjen e parë, pas daljes nga SPAK, që pse erdhe një orë përpara. Ai tha do marr pyetjet tuaja, por u shtymë nga shoqëruesit e tij dhe nuk mori asnjë pyetje, vajti te Këshilli Bashkiak dhe filloi akuzat në drejtim të kujtdo.

Sa i përket 5D, zoti Veliaj është listuar në listën e personave që do të pyeten. Janë duke u hetuar rrjet kompanish, ku pronarët, të afërm të drejtorëve të bashkisë rezultojnë me pasuri marramendëse. Prokuroria pritet ta thërrasë pasi të ketë përfunduar hetimi, për të gjitha këto.

Në fund, pritet që zoti Veliaj të pytet, është i listuar por nuk ka ende një fletëthirrje", nënvizoi Lala./ CNA





Lajmet e fundit nga