E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Zdromsi që kërkon të poshtërojë SPAK-un

6 Maj 2024, 18:10, Politikë CNA

Erion Veliaj

I përfshirë në skandalin e inceneratorëve, në aferën “5D”, me drejtorë të arrestuar, përballë fakteve dhe provave, i kapur si kryetar i organizatës së hajdutëve, Erion Veliaj po përpiqet të poshtërojë SPAK-un.

Nuk ka ndodhur asgjë, e kanë thirrur si person në dijeni dhe e kanë pyetur, por lali Eri ka filluar këngën e tij, “shkova vetë, dërgova dokumente, nuk më kanë thirrur”, ndërkohë që ka pasur fletëthirrje të firmosur nga prokurori Dritan Premçi dhe Erion Veliaj e di shumë mirë.

Kolegu zdroms me sytë nga SPAK
3 Maj, 17:29
Kur “kolegët” të tregojnë derën
30 Prill, 11:28

Erion Veliaj kërkon të poshtërojë SPAK-un, do të sillet sikur ai është mbi ta, sikur është mbi drejtësinë, sikur ai nuk pyet, ashtu siç u soll në kohën e përplasjes me Federatën Shqiptare, kur thonte se SPAK-u është nën kontrollin e tij e kështu me radhë.

Në fakt, në SPAK ka disa dosje për Erion Veliajn, i cili po hetohet dhe do të hetohet deri në fund sipas çdo procedure ligjore dhe më pas është gjykata që vendos, por poshtërimi që ai kërkon t’i bëjë SPAK-ut tregon edhe njëherë fytyrën e vërtetë të një zdromsi në politikë.

SPAK

Sjellja e zdromsit Veliaj tregon fytyrën e njeriut i cili kërkon të thotë se është mbi të gjitha palët, kërkon të thotë se ai dhe vetëm ai nuk pyet për drejtësinë, pasi kurrë në jetën e tij nuk ka shkuar përballë organeve të drejtësisë, përballë akuzës për t’u sjellë si një njeri normal, por ka menduar se është i gjithëpushtetshëm, pasi Edi Rama ka investuar tek ai dhe Edi Rama s’ka për ta lëshuar kurrë.

Nuk ka rëndësi e lëshon Edi Rama apo jo, Erion Veliaj ka për të kryer punë me SPAK-un, duke tentuar t’i fyejë, t’i tallë, t’i përçudnojë, duke tentuar t’i poshtërojë, por në fakt Erion Veliaj po tregon një detaj të thjeshtë, sa frikë e ka SPAK-un dhe sa në panik ndodhet zdromsi që drejton Bashkinë e Tiranës, kreu i organizatës së hajdutëve të bandës “5D”./ CNA