web counter
LEXO PA REKLAMA!

SHKARKO APP

App Store
Google Play

Udhëtim në Vjenë me Bahri Hodon?/ Berisha: Nuk e kam takuar kurrë

23 Shtator 2024, 21:59, Politikë CNA
Udhëtim në Vjenë me Bahri Hodon?/ Berisha: Nuk e kam takuar
Ish-kryeministri Sali Berisha

Ish-kryeministri Sali Berisha ka folur mbrëmjen e sotme në lidhje me akuzat në dosjen e SPAK-ut, në lidhje me dosjen “Partizani”.

Berisha u pyet nëse ka udhëtuar ndonjëherë me drejt Vienës me Bahri Hodon, anëtarin i Komisionit të Kthimit apo Kompensimit të Pronave.

Kreu i PD-së tha në emisionin e Çim Pekës se nuk e ka takuar Bahri Hodon dhe udhëtimi në të njëjtin avion nuk është provë për ta fajësuar.

“Unë kryeministër udhëtoj me avion për qëllime pune për në Vienë dhe në avion gjendet një njeri që nuk e kam takuar kurrë në jetën time, anëtar i Komisionit të Kthimit apo Kompensimit të Pronave, të gjithë të emëruar nga PS, përfshirë dhe zotërinë, të cilët i kanë kthyer familjes Begeja rreth 12 mijë metër katrorë tokë si komision.

Fakti se ai qenka ndodhur në avion me Sali Berishën, është provë se fajin e ka Saliu. A ka më primitivë, njerëz që shesin veten e tyre si këta. Le ta pyesin 100 herë Bahri Hodon, por me dhjetëra e në mos qindra punonjës që janë pyetur, nuk është një i vetëm që të ketë pohuar se ka patur ndërhyrjen, porosinë më të vogël nga Sali Berisha apo Jamarbër Malltezi në procesin e ushtrimit të funksioneve të tij për këtë çështje”, theksoi ish-kryeministri./ CNA





Lajmet e fundit nga