web counter
LEXO PA REKLAMA!

SHKARKO APP

App Store
Google Play

PD hap degën e saj në Parma/ Berisha: Rama kërkon të rrëmbejë mandatin e katërt

22 Shtator 2024, 17:34, Politikë CNA
PD hap degën e saj në Parma/ Berisha: Rama kërkon të
Kreu i PD-se Sali Berisha

Partia Demokratike ka hapur degën e saj në Parma të Italisë.

Gjatë një takimi të demokratëve në Parma, kreu i PD-së, Sali Berisha ka mbajtur fjalimin e tij në një lidhje të drejtëpërdrejtë ku ka theksuar se në Shqipëri ka autokraci elektorale.

Berisha tha se qeveria kontrollon vullnetin e qytetarëve dhe nuk respekton asnjë standart ndërkombëtar për zhvillimin e zgjedhjeve.

Ai nënvizoi se kryeministri Edi Rama nuk do të ndalet para asnjë llloj gjëje për të rrëmbyer mandatin e katërt.

Më tej Berisha tregoi se si u vodhën zgjedhjet në Himarë.

“Do të japim çdo kontribut të mundshëm për partinë simotër, me të cilin na lidh një bashkëpunim i ngushtë që nga vitet ’90. Situata në Shqipëri në rrafshin zgjedhor, është autokraci elektorale, identike me Bjellorusinë e Lukashenkos dhe Vednezuelën e Maduros.

Regjimet kontrollojnë vullnetin e qytetarëve. Ne jemi të angazhuar të ecim me protesta të fuqishme për qeveri teknike, me zhvillimin e zgjedhjeve të drejta në Shqipëri.

Në mënyrë të përsëritur është faktuar se Rama s’respekton asnjë standard ndërkombëtar për zhvillimin e zgjedhjeve dhe nuk njeh asnjë rregull. Nuk ndalet para asgjëje, për t’u rrëmbyer mandatin që ju takon.

E vërteta është se pas këtij, qëndronin interesa mafioze të Ramës për trojet dhe tokat e Himarës. Përjashtoi nga votimet mbi 6 mijë votues në një proces aspak ligjor.

Himara në këtë rast tregoi se cili është qëndrimi i këtij autokrati ndaj zgjedhjeve. Ne jemi të vendosur në këtë betejë. Kjo betejë duhet të kurorëohet  me qeveri teknike dhe fitore.

Pres nga degët e PD në Itali, kontributin më të madh në këtë betejë. Jemi para një regjimi që s’respekton rregullat, të rikthejmë votën e lirë përmes një qeverie teknike”, tha Berisha./ CNA

 

 

 

 

 





Lajmet e fundit nga