web counter
LEXO PA REKLAMA!

SHKARKO APP

App Store
Google Play

Sali Berisha: Rama në OKB do flasë si përfaqësues i narkoshtetit

21 Shtator 2024, 20:42, Politikë CNA
Sali Berisha: Rama në OKB do flasë si përfaqësues i
Kryedemokrati, Sali Berisha

Në deklaratën e tij të përnatshme për mediat, ish-kryeministri Sali Berisha foli për Samitin e OKB-së ku do të marrë pjesë edhe kryeministri i vendit, Edi Rama.

Kryedemokrati Berisha tha se Rama do të flasë si përfaqësues i një regjimi që ka konfiskuar votën e shqiptarëve.

"Këto ditë, Edi Rama do flasë në Lidhjen e Kombeve njëlloj si Maduro i Venezuelës, njëlloj si diktatorët e Taxhikistanit, Turkmenistanit, Koresë së Veriut. Do flasë si përfaqësues i një regjimi që ka konfiskuar votën e shqiptarëve. Do flasë si përfaqësues i narkoshtetit që ka zëvendësuar ligjet e vendit me kodin e mafies. Do flasë si një mafioz që nuk ka asnjë interes tjetër shoqëror kombëtar, apo çfarëdo qoftë, përveç interesave kriminale të pasurimit të tij, të pushtetit të krimit të tij. Do flasë si një tradhtar i kombit, si një shërbëtor i shpifur i Beogradit, si një Rrahman Morinë i Kosovës, si një Sinan Hasan i shqiptarëve, si një esaditst, si një Zograf që punon ditë e natë kundër lirisë dhe demokracisë së shqiptarëve. Që punon ditë e natë kundër pavarësisë së Kosovës. Që përpiqet me të gjitha mjetet të organizojë puçe në Kosovë, pasi dështoi në ndarjen e saj."/CNA





Lajmet e fundit nga