web counter
LEXO PA REKLAMA!

SHKARKO APP

App Store
Google Play

E fundit!

x

Berisha në akuzë dhe dosjet e SPAK-ut

20 Shtator 2024, 14:47, Politikë CNA
Berisha në akuzë dhe dosjet e SPAK-ut
Kreu i PD-së, Sali Berisha

Ish-kryeministri Sali Berisha, në një dalje publike dy ditë më parë, lëshoi një mesazh të fortë për mediat. Një pjesë të gazetarëve do t’i konsideronte si “armiq”, si SPAK-u i kapur për të pavërtetat që ata po thoshin për dosjen e tij. Por në asnjë rresht nuk u gjet një kërcënim.

Në atë moment u reagua nga Carlo Bollino, Mero Baze, të cilët pretendonin se ishin kërcënuar nga Sali Berisha. Në fakt nuk kishte asnjë kërcënim se me kërcënimet e përditshme që vijnë ky mesazh i çuar nga Berisha është një hiç. Megjithëse dikush duhet t’i japë peshë asaj që në fakt ka peshë.

Por le ta shohim çështjen në themel.

Sali Berisha është marrë nën akuzë nga SPAK-u. Akuza i është komunikuar nga prokurori Arben Kraja.

Në fakt një prokuror i devotshëm i pushtetit dhe kjo nuk ka asnjë diskutim. Arben Kraja është njeriu që shkoi i pari në SPAK me mbështetjen dhe influencën e fortë të Fatmir Xhafajt dhe lobimet brenda KLP-së në atë kohë në garë me Altin Dumanin dhe gjatë kohës që ishte kreu i SPAK-ut i është çuar një kallëzim ndër të parat kallëzime që ka bërë politika, kallëzim i bërë nga Taulant Balla në lidhje me çështjen “Partizani”.

Dhe, Arben Kraja, ish-kreu i SPAK-ut, e mori vetë dosjen, e hetoi vetë dosjen dhe e çoi deri në fund.

Në fakt Sali Berisha prej një viti sulmonte kreun e SPAK-ut në detyrë, Altin Dumanin, por kjo qe e pakuptimtë. Se çfarë përgjegjësie kishte Altin Dumani me një dosje që Arben Kraja e kishte marrë vetë për ta hetuar, ndërkohë që Dumani ka ardhur më pas në detyrë gati 2 vjet më pas si drejtues i SPAK-ut, këtë vetëm Sali Berisha, por ndoshta doktori u beson më shumë mesazheve që i çon Arben Kraja, se nuk e lë Altini, sesa të vërtetës, sepse Arben Krajës nuk i hyn dot kush në hetim.

500 faqe akuzë Berishës

Gjithsesi, përtej kësaj, kemi një dosje me 500 faqe. Dikush pretendon se ka akuza, dikush pretendon që nuk ka akuza, ka dhe gjëra që në fakt nuk duhet të ishin fare pjesë e asaj dosjeje, si donacionet për fëmijët me autizëm.

Ka dosje dhe fakte në lidhje me pagesat e shëndetit të prindërve apo për “non grata”-n, lobimi për “non grata”-n, ku në fakt “non grata” janë shpallur edhe vetë Jamarbër Malltezi dhe Argita Malltezi.

Berisha në akuzë dhe dosjet e SPAK-ut

Disa detaje që ndoshta nuk duhet të ishin pjesë e asaj dosjeje fare. Por gjithsesi Arben Kraja mendon se e ka bërë mirë punën e tij, Sali Berisha mendon se janë akuza politike, gazetarët fillojnë dhe flasin.

Gazetarët në raportim

Ka disa gazetarë që flasin në mënyrë shabllon, ndoshta nxitohen, ndoshta nuk i lexojnë rreshtat siç duhet e marrin dosjen me vonesë, dhe derisa ta lexojnë deri në detaje duhet të mbushin kohën televizive, mbledhin informacione sa në një krah, në një krah, ndonjë e dhënë nga ndonjë avokat, nga kallëzuesi, deformimi i të dhënave etj. Por ky është rasti kur gazetarët nxitojnë, e bëjnë pa qëllim.

Në fakt, një pjesë e mirë e tyre qëndrojnë tek oborri i SPAK-ut, disa prej tyre janë me të vërtetë me burime, marrin dosjen, flasin me fakte. Këta nuk kanë asnjë lidhje me stanin e jashtëqitjeve mediatike që derdhen si ujëra të zeza sa herë ka hall Erion Veliaj apo Rilindja e Ramës. NUk janë të gjithë në një thes. 

Sali Berisha i quan gazetarët e SPAK-ut, në fakt nuk janë të tillë, janë gazetarë që qëndrojnë atje, mbledhin informacione, nxjerrin informacione, ka nga ata që i japin mbështetje institucionit, ndoshta Sali Berisha nuk e do, por nuk do të jenë të gjithë me Sali Berishën, do të ketë njerëz që janë me SPAK-un, me PS-në, do të ketë njerëz që do të jenë dhe kundër Berishës, pro institucioneve, edhe kundër Ramës, do të jenë dhe kundër institucioneve apo pro tyre e kështu me radhë. Nuk janë një thes me ata që ka drejtuar akuzat Berisha.

Në fakt ajo që bie në sy është mënyra se si kjo dosje u trajtua në disa media dhe Sali Berisha foli, mbajti qëndrimin e tij.

Të besosh që një dosje të SPAK-ut kundër Sali Berishës do ta trajtojnë në mënyrë dinjitoze Carlo Bollino, Mero Baze, apo jashtëqitjet mediatike të Zdromsit të Tiranës, apo ata që i përdor si diarre kur ka nevojë emergjente, apo disa gjoja avokatë që janë kryetarë partish e të dënuar, sharlatanë e palaço të përmjerrë rrugëve të Tiranës, është e pakta çmenduri që ta besosh./ CNA





Lajmet e fundit nga