web counter
LEXO PA REKLAMA!

SHKARKO APP

App Store
Google Play

E fundit!

x

“Partitë e vogla duhet të bëjnë aleancë”/ Duka: Të zgjidhet sa më parë problemi i koalicioneve

22 Shtator 2024, 16:57, Politikë CNA
“Partitë e vogla duhet të bëjnë aleancë”/
Kreu i PAA, Agron Duka

Kreu i PAA, Agron Duka ka deklaruar se partitë e vogla duhet të bëjnë një aleancë me një grupim të madh dhe të dalin me një sigël të vetme.

I ftuar në emisionin "Off the record", Duka ka theksuar se brenda shtatorit opozita duhet të zgjidhë problemin e koalicioneve pasi nuk ka më kohë.

Duka është shprehur se ndodhen në limitet e kohës, nëse në tetor nuk selektohen njerëzit që do të kandidojnë, atëherë do jetë shumë e vështirë të mblidhen votat në të gjithë Shqipërinë.

“Në këto kushte gjykoj unë, me pragmatizëm, partitë e vogla duhet të bëjnë aleancë me një grupim të madh dhe të dalin me një sigël aleance. Hapi i parë është që të gjejmë akord me këtë që jemi sot, me grupimin më të madh që është PD. Natyrisht që bisedojmë por e kemi shumë të vështirë pasi lideri i opozitës është në izolim.

Diskutojmë gjithmonë me këtë pjesën tjetër, me Nokën, Bylykbashin për Durrësin. Ajo që unë dhe PAA kemi kërkuar publikisht duhet t’i ketë shkuar në vesh zotit Berisha. Brenda shtatorit jo për hall të Partisë Agrare Ambientaliste, por për leverdi të gjithë opozitës duhet të zgjidhet problemi i koalicioneve, pasi nuk ka kohë.

Jemi në limitet e kohës, nëse në tetor nuk selektojmë njerëzit që do të kandidojnë, atëherë do e kemi të vështirë të mbledhim votat në të gjithë Shqipërinë”, tha Duka.

Duka po ashtu tregoi se cilat ishin kushtet për firmosjen e koalicionit me një prej partive të mëdha.

Kreu i PAA tha se kërkon përfaqësues në lista për 10 nga 12 qarqet, e po ashtu të paktën 1 kandidat në listën e mbyllur që përkthehet në deputet të sigurt sipas Kodit të ri Zgjedhor.

“Unë mendoj duke pasur parasysh zgjedhjet e fundit parlamentare. PAA në listën e mbyllur duhet të pretendoj më shumë se një mandat”, u shpreh Duka./ CNA





Lajmet e fundit nga