web counter
LEXO PA REKLAMA!

SHKARKO APP

App Store
Google Play

E fundit!

x

“Gara për postin e Drejtorit të Policisë ishte fasadë”/ Hoxha-Salianjit: Është shumë transparente

23 Shtator 2024, 11:09, Politikë CNA
“Gara për postin e Drejtorit të Policisë ishte
Ministri i Brendshëm, Ervin Hoxha

Pasi u akuzua nga deputeti i Partisë Demokratike, Ervin Salianji se gara për postin e Drejtorit të Përgjithshëm të Policisë ka qenë thjesht një fasadë, ministri i Brendshëm, Ervin Hoxha, e përgënjështroi duke thënë se gara ka qenë transparente dhe se kushdo që do të kandidojë mund të bëhet pjesë.

“Gara ka qenë shumë transparente, aplikimi është online dhe kushdo që do të bëhet Drejtori i Përgjithshëm i Policisë dhe plotëson kushtet mund të bëhet pjesë e garës. Procedura për përzgjedhjen do të vijojë në ditët në vazhdim dhe priten përgjigjet. Brenda kësaj jave do të prezantohet kandidati që do të jetë i aftë për ta fituar këtë garë,”-tha ministri Hoxha.

Gjatë debatit në Mbledhjen e Komisionit të Sigurisë, ministri Hoxha përmendi edhe vrasjen e Egli Progës në Pogradec, ku tha se ngjarja mori trajta jo të vërteta dhe se u hodh baltë mbi punën e Policisë së Shtetit.

“U manipuluan faktet dhe u hodh baltë mbi punën e Policisë. Veprimet e Policisë ishin shumë të qarta në përputhje me ligjin, atë ditë ishte në detyrë dhe do të jetë në detyrë.”/CNA

 

 

 

 





Lajmet e fundit nga