U zgjodh në krye të Këshillit Kombëtar/ Si është “fryrë” pasuria e Palokës ndër vite

27 Maj 2022, 17:51, Politikë CNA

U zgjodh në krye të Këshillit Kombëtar/ Si është

Kryetari i Këshillit Kombëtar dhe deputeti i PD Edi Paloka

Edi Paloka, u zgjodh së fundmi kryetar i Këshillit Kombëtar të Partisë Demokratike.

Angazhimet e tij në PD janë të herdhme, ku edhe ka mbajtur poste të rëndësishme në këtë parti. Ai ka pasur një mbështetje të madhe edhe kur në krye të PD qëndronte Berisha, duke e bërë taë nënkryetar, por edhe gjatë kohës së fundit, kur doli në mbështetje të Rithemelimit.

Por kush është pasuria e deputetit Paloka?

CNA.al ka bërë të mundur zbardhej e pasurisë që vetë Paloka ka deklaruar në formularin e deklarimit.

Në vitin 2012, Paloka nuk ka deklaruar asnjë pasuri, por vetëm pagën si deputet në Kuvendin e Shqipërisë, të ardhura të cilat kapin vlerën e 2.768.459 lekë.

U zgjodh në krye të Këshillit Kombëtar/ Si është

Në vitin 2013, pasuria e Palokës është shtuar “si me magji”. Ai deklaron disa pasuri për të cilat thotë se i ka përfituar nga testamenti i babait. Deputeti i PD deklaron 500 metra katrorë vreshta në Domen të Kavajës, 700 metra katrorë arë në zonën e Kazie të Kavajës. Po ashtu, ai deklaron 2000 metra katrorë tokë arënë Bago Kavajë dhe 720 metra tokë arë në Spille të Kavajës.

Në po të njëjtin vit, kryetari i Këshillit Kombëtar deklaron se disponon nga testamenti i babait edhe 1000 metra arë në Kazie Kavajë, një apartament prej 46.88 metra katrorë në Spille, apartament në Tiranë 130 metra katrorë dhe një garazh në kryeqytet 14.32 metra katrorë.

Paloka në po të njëjtin vit, ka deklaruar se ka shitur një automjet Volksëagen për 1 milionë lekë dhe ka blerë një tjetër mjet të tipit BMË për 990 mijë lekë. Nga trashëgimia e babait, deputeti thekson se ka në pronësi edhe dy mjete, një SMART dhe një Volksëagen, të cilat i ka së bashku me motrën e tij.

Ndërsa si të ardhura nga paga, për vitin 2013, Paloka ka përfituar 2.423.717 lekë.

U zgjodh në krye të Këshillit Kombëtar/ Si është

Në vitin 2016, deputeti i PD deklaron se ka blerë një autoveturë, vlera e të cilit arrin në 25 mijë euro. Po ashtu, ai deklaron se në këtë vit ka bërë një akt-marrëveshje për zgjidhjen e kontratës së shitjes (blerjes së apartamentit). Vlera e këtij apartamenti është 30 mijë euro. Ndërsa parat dhe të ardhurat nga komisionet parlamentare dhe dietat arrin shifrën e 2.638.533 lekë.

Një vit më vonë, në vitin 2017, Paloka deklaron se ka shitur apartamentin që dispononte në Kavajë me vlerën prej 10 mijë euro, ndërsa të ardhurat nga paga i deklaron në vlerën 2.260.521.

Deklarimi i fundit që paloka ka bërë është ai i vitit 2021, kur fitoi mandatin e deputetit në zgjedhjet e 25 prillit. Përveç pasurive të mësipërme, Paloka deklaron se ka blerë një automjet Range Rover, prodhim i vitit 2006 me vlerë 5 mijë euro.

Ai gjithashtu deklaon edhe llogari bankarevlera e të cilave është: 38.909.30 në lek, 95.27 në dollarë dhe dy llogari në euro përkatësisht 3004 dhe 29.985. Ai gjithashtu deklaron edhe blerjen e një apartamenti në Golem, vlera e të cilës është 40 mijë euro.

Pasuria e Edi Palokës:

Viti 2012

Të ardhura nga Kuvendi i Shqipërisë- 2.768.459 lekë

Viti 2013

500 metra katrorë vreshta në Domen të Kavajës-Trashëgimi

700 metra katrorë arë në zonën e Kazie të Kavajës- Trashëgimi

2000 metra katrorë tokë arënë Bago Kavajë- Trashëgimi

720 metra tokë arë në Spille të Kavajës- Trashëgimi

1000 metra arë në Kazie Kavajë- Trashëgimi

Apartament prej 46.88 metra katrorë në Spille- Trashëgimi

Apartament në Tiranë 130 metra katrorë- Trashëgimi

Garazh në kryeqytet 14.32 metra katrorë- Trashëgimi