web counter
LEXO PA REKLAMA!

SHKARKO APP

App Store
Google Play

A do të ketë një bashkim të deputetëve demokratë?/ Albana Vokshi: Ne duam...

26 Maj 2022, 21:11, Politikë CNA
A do të ketë një bashkim të deputetëve demokratë?/
Deputetja e PD Albana Vokshi

Deputetja e Partisë Demokratike, Albana Vokshi, ka besimin se grupet e deputetëve që janë krijuar brenda partisë do të bashkohen.

Në një intervistë për media, Vokshi thekson se opozitë e vërtetë janë vetëm pak deputetë, ndërsa thekson se ata janë të hapur.

“Opozita e vërtetë janë vetëm pak deputetë dhe unë kam shumë shpresë. Ne duam të bashkohemi dhe kam shpresën se do të jemi bashkë. Jemi të hapur, dyert i kemi hapur çdo ditë’, u shpreh Vokshi.

Por më tej ajo shtoi se në këto momente opozita e vërtetë është e atyre që votuan në zgjedhjet për kreun e PD-së dhe se deputetët e drejtuar nga Alibeaj duhet të shkojnë në takime me bazën dhe t’i dëgjojnë problemet e demokratëve.

“43 mijë kanë dalë të votojnë për kryetar Sali Berishën. Nuk do të dëgjojmë këtë pseudo-opozitën e Edi Ramës. Shumica e këtyre deputetëve kanë marrë pjesë në garë kanë qenë aty ulur me bazën dhe kanë qenë pjesë e procesit. Unë i ftoj të dëgjojnë zërin e votuesve nga ata vijnë dhe jo zërin e Albanës dhe Saliut. Ata të shkojnë të ulen me demokratët dhe ta çojnë zërin e tyre ne Parlament”, tha Vokshi./CNA.al





Lajmet e fundit nga