web counter
LEXO PA REKLAMA!

SHKARKO APP

App Store
Google Play

Zgjedhja e Presidentit/ Ish-anëtari i Këshillit Kombëtar “shigjeton” Alibeajn

26 Maj 2022, 20:27, Politikë CNA
Zgjedhja e Presidentit/ Ish-anëtari i Këshillit Kombëtar
Deouteti i PD Enkelejd Alibeaj

Zgjedhja e presidentit ka thelluar më tej përplasjet mes deputetëve të PD-së.

Ish-anëtari i Këshillit Kombëtar, Edvin Kulluri, në një intervistë për emisionin “Debat” me Alba Alishanin komentoi situatën aktuale në selinë blu, teksa theksoi se Alibeaj nuk është kryetar i PD-së dhe si i tillë nuk ka të drejtën e negociatave me mazhorancën.

Ai theksoi se “Alibeaj nuk e di në emër të kujt negocion, sepse nuk ka as votat për të propozuar, as nuk përfaqëson PD-në”.

“Kanë marrë përsipër një punë  të vështirë. Të qëndrosh objektiv në këto kushte që është PD-ja më duket mision i pamundur. Është situatë shumë e rëndë. Zoti Alibeaj nuk është kryetar i PD-së. Unë nuk e di se nga e vetëquan veten kryetar. Ai është komanduar kryetar i PD-së nga zoti Bardhi në mënyrë antistatutore, sipas statutit të asaj kohe. Ai nuk është votuar nga Këshilli kombëtar si një nga nënkryetarët që propozohet nga sekretari i përgjithshëm në rast se largohet kryetari apo jep dorëheqjen. Nëse Alibeaj hyn në negociata si kryetar i grupit parlamentar, sot nuk ka një grup parlamentar, ka të paktën tre të tilla të PD-së.

Alibeaj nuk e di në emër të kujt negocion, sepse nuk ka as votat për të propozuar, as nuk përfaqëson PD-në”, tha Kulluri.

Ish-anëtari i Këshillit Kombëtar më tej tha se nga ana ligjore partia tashmë drejtohet nga Komisioni i Rithemelimit, për të cilin është dhënë një vendim gjykate.

“Sot partinë e drejton Rithemelimi nga ana ligjore. Por këtu nuk është çështje ligjore, është politike. Deri dje ishin dy grupime në PD ata që mbështesnin Bashën dhe ata që ishin kundër, sot janë tri”, tha ai./CNA.al





Lajmet e fundit nga