E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Berisha, ‘shuplakë’ qeverisë/ Pse është bllokuar hapja e negociatave

26 Maj 2022, 20:29, Politikë CNA

Berisha, ‘shuplakë’ qeverisë/ Pse është bllokuar

Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar me tone të ashpra ndaj qeverisë, lidhur me procesin e hapjes së negociatave.

Me anë të një statusi në rrjetet sociale, Berisha bën fajtore qeverinë, teksa liston disa nga arsyet që ai mendon se kanë bllokuar integrimin në BE.

Ish-kryeministri ngre akuzat se negociatat po pengohen pasi korrupsioni është në nivele të larta, krimi është i lidhur me qeverinë, zgjedhjet e mediat po dhunohen dhe shqiptarët po largohen masivisht.

“Hapja e negociatave, apo e pesta e vërteta!

Miq, miq prej 9 vitesh, tashmë çështja e çeljes së negociatave me Bashkimin Europian është kthyer në një horizont që largohet prej nesh, dhe për këtë është fajtore qeveria me kryemashtruesin Edi Rrena.

Me propagandën e tyre dashakeqe, gënjejnë në çdo moment shqiptarët për progresin imagjinar të Shqipërisë drejt çeljes së negociatave. Edhe për këtë gjë sërish fajtor është Edi Rrena bashkë me qeverinë e tij me muret që kane ngritur në rrugën e integrimit.

Korrupsioni vazhdon në nivele të larta, me një qeveri të kompromentuar kokë e këmbë, me ministra e drejtorë që përfundojnë në burgje dhe askush nuk mban përgjegjësi për vazhdimësinë e aferave korruptive. Po ia marrin frymën Shqipërisë.

Muri i krimit, drogës, të lidhura direkt me Edi Ramën dhe ministrat e tij kanë bllokuar gjithashtu hapjen e negociatave të Shqipërisë me BE-në.

Dhunimi i zgjedhjeve, i mediave, largimi masiv i shqiptarëve nga vendi e largojnë Shqipërinë çdo ditë e më shumë nga Europa.

Nga 2013-ta e deri më sot, sipas Edi Rrenës, negociatat janë hapur më shumë se 4 herë, e me sa duket priten të hapen sërish. Qesharake, si ai dhe vartësit e tij. Ata kujdesen vetem per pasurimin e paligjshëm.

Shqipëria e meriton Bashkimin Europian, e meriton ëndrrën perëndimore, por nuk e meriton këtë qeveri të korruptuar.sb”, shkruan kreu i PD-së./ CNA.al