web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja Balla-Alibeaj/ Deputeti konfirmon djegien e raundit të tretë

26 Maj 2022, 21:51, Politikë CNA

Marrëveshja Balla-Alibeaj/ Deputeti konfirmon djegien e raundit të

Marrëveshja mes Enkelejd Alibeajt dhe Taulant Ballës për zgjedhjen e presidentit po del në dritë.

Dy raundet e para janë djegur për shkak se asnjë nga palët nuk ka depozituar asnjë emër, ndërsa të njëjtin “fat” pritet të ketë edhe raundi i tretë që do të mbahet më 30 maj.

Deputeti i PD-së, Saimir Korreshi, e ka bërë fakt që Partia Demokratike do të bojkotojë procesin e zgjedhjes së presidentit të ri. Sipas tij, Edi Rama do ta zgjedhë vetë kreun e ri të shtetit dhe pikërisht për këtë arsye nuk do të pranojnë të bëhen farsë e Partisë Socialiste.

Ai u shpreh për "Report TV" se PD-ja kërkonte të kishte një konsensus mes palëve dhe të zgjidhej një kandidat që të përfaqësonte të gjitha kahet politike. Korreshi thotë se mazhoranca shkeli marrëveshjen e bërë në mbledhjen me praninë e mediave.

“Nuk do të ketë propozim zyrtar nga opozita, pasi kërkoi të kishte një proces, por jo një emër kandidati. PS-ja kërkoi që të çojmë një emër me 20 firma. Kërkuam të kishim një konsensus bilateral për të zgjedhur një president që përfaqëson të gjithë krahët politikë. Ka qenë një dokument në mbledhjen e kryetarëve, por pjesa më e madhe është e dijshme që Rama ka qejf të zgjedhe vetë dhe nuk bëhemi farsë për të çuar emra sa për të kaluar radhën. Është e kotë që ne të vazhdojmë. Nëse nuk ndiqeshin, nëse s’do të kishte konsensus bilateral e deklaruam që s’do të bëhemi pjesë”, tha Korreshi./CNA.al

 





Lajmet e fundit nga