web counter
LEXO PA REKLAMA!

SHKARKO APP

App Store
Google Play

“Kur flet imiton Fatos Nanon”/ Çani: Alibeaj, kukull e ambasadës së SHBA-së

26 Maj 2022, 22:29, Politikë CNA
“Kur flet imiton Fatos Nanon”/ Çani: Alibeaj, kukull e
Gazetari Arian Çani

Gazetari Arian Çani, teksa analizonte figurën politike të Enkelejd Alibeajt, u shpreh se gjatë artikulimit të të folurit në publik, të ngjan se ai më shumë imiton Fatos Nanon.

Sipas tij, ai është një figurë që nuk të eksiton politikisht, dhe nuk është gjë tjetër veçse një kukull e ambasadës amerikane në Tiranë.

Në një intervistë në emisionin “Të Paekspozuarit” me Ylli Rakipin, ai theksoi se në Shqipëri nëse nuk përfolesh nuk bën asnjëherë karrierë.

"Ajo që më bën përshtypje është që ky Alibeaj, edhe kur nuk kishte asnjë rol, kam pasur rastin të takohesha shpesh me të në një kafe në qendër të Tiranës. Përshëndeteshim, nuk kishim miqësi. Është djalë korrekt, i pashëm.

A është pozitive në Shqipëri të jesh i papërfolur? Nuk bën karrierë. Por ajo që më bën përshtypje është që ky nuk e di pse, ka një tendencë, po ta vësh re, tek artikulimi, ka një impostim si Fatos Nanos.

Është një kuriozitet që do të doja ta dija. Them se e imiton më shumë, për mua nuk është figurë interesante politike, në artikulimin publik po ta vësh re, është korrekt kur flet, por nuk thotë asgjë.

Alibeaj ka shansin e keq që nuk eksiton politikisht askënd, por ka kohë deri në 2025-ën, të tentojë të mos zhduket fare. Duam nuk duam ne, ai nuk është gjë tjetër veçse një kukull e ambasadës amerikane.

Ambasada, kur regjimi vjedh zgjedhjet, ambasada nuk flet. Është me regjimin, është me çdo regjim ambasada", tha Çani./CNA.al





Lajmet e fundit nga