web counter
LEXO PA REKLAMA!

SHKARKO APP

App Store
Google Play

E fundit!

x

Shkullaku ‘zbulon diagnozën’ e Alibeajt: Ka probleme mendore

26 Maj 2022, 22:21, Politikë CNA
Shkullaku ‘zbulon diagnozën’ e Alibeajt: Ka probleme mendore
Analisti Armand Shkullaku

Analisti Armand Shkullaku ka bërë deklarata të forta, teksa ka analizuar sjelljen e Enkelejd Alibeajt, i cili ndonëse është shkarkuar, vazhdon të shkojë në bisedime me mazhorancën si kreu i Grupit Parlamentar të PD-së.

Shkullaku tha se protagonizmin e Alibeajt e shikon më shumë si problem mendor dhe delir sesa politikë.

Ai tha në emisionin “Të Paekspozuarit” se deputeti i PD-së mendon se do të jetë lider i së ardhmes, duke qenë se sheh shumë mikrofona përballë, sheh ambasadorët dhe televizionet që e transmetojnë.

“Është fenomen që nuk mund të shpjegohet kollaj. Është fenomen jo vetëm politik, por edhe psikologjik, lidhet edhe me gjendjen mentale. Kemi parë edhe te njerëz të tjerë, kur të mbushet mendja që përfaqëson atë për të cilën dikush të ka caktuar, por nuk e ke marrë dhe fituar.

Kam respekt për Alibeajn si politikan dhe nuk kam dëgjuar akuza ndaj tij për afera, por vendosja në qendër të vëmendjes dhe projektorëve, të shkakton një lloj lëkundjeje. Të hiqesh si kryetar i PD-së, edhe po të jesh kryetar vërtet kryetar i PD-së, siç u zgjodh Berisha, sërish duhet të matesh të flasësh në emër të PD-së, sepse mungon legjitimimi i plotë 100%.

Alibeaj është caktuar të jetë i ngarkuar nga ish-kryetari për të përfaqësuar PD-në, është emëruar edhe kryetar i grupit parlamentar që nuk ekziston më.

Të flasësh në emër të një grupi që nuk ekziston më, është më shumë problem mendor dhe delir sesa politikë. Sheh gjithë ata mikrofona përballë, sheh ata ambasadorët, të duket sikur ti do të jesh lideri i së ardhmes. E transmetojnë edhe televizionet, kur shkon në shtëpi mendon se je dikush. Është një fenomen që e kemi parë vazhdimisht në politikën shqiptare. Mbani mend se edhe Eduard Selami në 1996-ën mendonte se mund të mundte Berishën. Ky është aspekti psikologjik”, theksoi analisti./ CNA.al





Lajmet e fundit nga