web counter
LEXO PA REKLAMA!

SHKARKO APP

App Store
Google Play

“Të zbardhen tabulatet e Taulant Ballës me Suel Çelën”/ Berisha: Po cenohen rrëfimet e Dumanit

Kreu i PD-së, Sali Berisha, ka ashpërsuar tonet ndaj Qeverisë. Sipas tij, kjo Qeveri është e lidhur me bandat. Dhe në këtë pikë kreu i PD-së është ndalur te dëshmia e të penduarit të drejtësisë, Nuredin Dumani.

27 Maj 2022, 12:46, Politikë CNA
“Të zbardhen tabulatet e Taulant Ballës me Suel
Kreu i PD-së, Sali Berisha

Kreu i PD-së, Sali Berisha, ka ashpërsuar tonet ndaj Qeverisë.

Sipas tij, kjo Qeveri është e lidhur me bandat. Dhe në këtë pikë kreu i PD-së është ndalur te dëshmia e të penduarit të drejtësisë, Nuredin Dumani.

“Një serial 'killer' që po zbërthyet, e vlerësoj vendimin e tij për të rrëfyer, por i bëj thirrje të rrëfejë çdo gjë, se deri tani absolutisht s’ka thënë gjë tjetër, veç atë që e kemi ditur të gjithë.

S’ka pasur asnjë dyshim se banda e Elbasanit dhe bandat e tjera kanë qenë fund e krye të lidhura me qeverinë. Se ato kanë pasur në xhep Prokurorinë e Elbasanit. I bëj thirrje Dumanit në emër të asaj që rifiton në vetvete një njeri që rrëfehet.

Se çfarë është një i penduar i drejtësisë? Është një njeri që vendos të rrëfehet në kuptimin moral, krimet që ai ka kryer për të shpëtuar shpirtin e tij. Kjo është e pranishme te ky rrëfim”, ka deklaruar Berisha.

Më tej, ai i ka bërë thirrje Dumanit që të mos ndalojë me rrëfimet e tij, deri në zbardhjen e tabulateve, mes Taulant Ballës dhe Suel Çelës.

“I bëj thirrje që ta bëjë të plotë, ta bëjë me guxim, pasi ka tendencë censure të rrëfimeve të tij tronditëse që dëshmojnë qartë atë çka thuhet nga mediat. I bëj thirrje që të bëhen publike tabulatet e Taulant Ballës me Suel Çelën. Taulant Çela është minimumi”, ka thënë Berisha.





Lajmet e fundit nga