web counter
LEXO PA REKLAMA!

SHKARKO APP

App Store
Google Play

E fundit!

x

“Ata që hezitojnë e kanë derën të hapur”/ PD, “shuplakë” grupit të Bashës

27 Maj 2022, 14:18, Politikë CNA

“Ata që hezitojnë e kanë derën të hapur”/

Deputeti i PD-së, Luçiano Boçi, ka reaguar ndaj deklaratës së grupit të Lulzim Bashës, të cilët akuzuan kreun e PD-së, Sali Berisha, se mbron bandat në Elbasan.

“Ata që flasin sot në emër të demokratëve të Elbasanit, nuk e dinë as ku fillon ura e Zaranikës dhe as ku mbaron ajo e Shkumbinit, e jo më të dinë sentimentin politik të tyre.

Sa për bandat që gjoja na paskan detyruar demokratët të zgjedhin zërin e vetë demokratëve, demokratët dinë shumë e më shumë gjëra se shkuesit e këtillë e shkruesit e deklaratave të tilla bajate në faqet e fcb, të mbajtura peng”, shkruan Boçi në rrjete sociale.

Sipas tij, demokratët e Elbasanit nuk u përulën as në 25 prill dhe nuk imponohen edhe tani nga askush.

Demokratët e Elbasanit në shumicë dërrmuese, shkruan më tej Boçi, zgjodhën me vetëdije të plotë të rithemelojnë PD-në, të rikthejnë besimin dhe të ribëjnë aksionin e fortë opozitar.

“Dhe ata që ende hezitojnë e kanë derën e hapur, sepse sinqeriteti i tyre dhe kontributi i dhënë ndër vite nuk vihet asnjëherë në dyshim.

Miklimeve me sajesa “dashurish” e “qarje hallesh” nga kilometra larg, ata ia kanë pirë lëngun.

Se kush bën lojën e Ramës dhe njihet nga ai zyrtarisht si “opozitë e mirë” e që tërhiqet prej hunde, tashmë e shohin të gjithë.

Zhguni i “përkrahjes ndërkombëtare pa kufij” i trumbetuar pa kufij, nuk e mban dot vapën e verës”, përfundon reagimin Boçi./CNA.al





Lajmet e fundit nga