web counter
LEXO PA REKLAMA!

SHKARKO APP

App Store
Google Play

Topalli tregon absurdin/ Basha la testament politik, PD-në e trajton si pronë të tijën

6 Mars 2023, 22:19, Politikë CNA

Topalli tregon absurdin/ Basha la testament politik, PD-në e trajton si

Anëtarja e Kryesisë së Partisë Demokratike, Jozefina Topalli ka treguar absurdin me dokumentin e lëshuar nga Lulzim Basha, i cili autorizonte Enkelejd Alibeajn për tu regjistruar në KQZ për zgjedhjet e 14 majit.

Topalli tha në emisionin e Erla Mëhillit se e gjithë kjo tregon degradimin e shtetit, turpin, paradoksin dhe papërgjegjshmërinë e institucioneve të drejtësisë.

Ajo deklaroi se me një shkresë që nuk mban datë, Basha parashikon vdekjen e tij politike tre ditë para se të jepte dorëheqjen.

Gjithashtu Topalli thekoi se Basha la testament politik, gjë që sipas saj tregon se e trajton PD-në si pronë të tijën.

“Kanë të drejtë që ironizojnë sepse është një nonsens, një absurd total. Dhe kjo fillon nga ajo për të parë se ku ka shkuar ky shtet, sa i degraduar është ky shtet, sa i degjeneruar është ky shtet, fillon e sheh te vendimi i sotëm i gjykatës që na thotë se Lulzim Basha është kryetar i PD-së, ndërkohë që ju me zë dhe me figurë aty paraqitni zotërinë që thotë unë jap dorëheqjen.

Për të vazhduar situatën e absurdit, paradoksit, turpit, papërgjegjshmërisë vazhdon me shkresën. Ju e quani testament politik, ngjason me një dëshmi trashëgimie se forcën politike këta e kanë si pronë të tyren. Ky është koncepti.

Çfarë shkruhet në dokumentin e datës 18 mars, tre ditë para se të jepte dorëheqjen? Keni dëgjuar ndonjë njeri që përpara se të vdesë politikisht, unë tre ditë përpara shkruaj se unë pas tre ditësh do të vdes politikisht. Letrat bëhen pas të folurit politikisht. Shkresa nuk ka datë, është shkresë e falsifikuar”, theksoi anëtarja e Kryesisë së PD-së./ CNA.al





Lajmet e fundit nga