web counter
LEXO PA REKLAMA!

SHKARKO APP

App Store
Google Play

E fundit!

x

Vula e PD/ Kaso: Vendimi i Apelit nuk mund të ekzekutohet

6 Mars 2023, 20:29, Politikë CNA

Vula e PD/ Kaso: Vendimi i Apelit nuk mund të ekzekutohet

Përfaqësuesi Ligjor i Partisë Demokratike, Ivi Kaso ka deklaruar se Kuvendi i 11 dhjetorit 2021 ku u miratua statuti i ri i PD, është ende në fuqi. 

Në një dalje mediatike me moderatorin Edvin Parruca, Kaso tha se vendimi i Apelit nuk mund të ekzekutohet pasi vendimet e  Kuvendit të 11 dhjetorit dhe vendimi i shkallës së parë të gjykatës, të 25 marsit 2021 janë ende në fuqi. 

"Ne nuk presim vendimmarrje nga KQZ sa i takon legjitimitetit të organeve të PD se ato i kanë bërë demokratët tashmë. Por KQZ duhet vetëm të shprehet me vendim nëse organet përfaqësuese të PD të cilat kanë bërë kërkesën në emër të PD janë të tilla, të zgjedhura lirisht nga demokratët apo jo. Për këtë i kemi vënë në dispozicion të gjithë dokumentacionin e nevojshëm ligjor. Kuvendi i demokratëve i datës 11 dhjetor 2021, pavarësisht tentativës së fraksionit të vulës që tentoi me një vendim gjykate ta zhbënte, ai Kuvend është në fuqi. Ai Kuvend nuk është zhbërë nga gjykata dhe vendimet e tij janë detyruese për të gjitha organet e PD. Sigurisht ka një vendim të Apelit, por ajo lloj vendimmarrje, prishja e vendimit dhe kthimi për rigjykim në shkallën e parë, në bazë të ligjit nuk është vendimmarrje përfundimtare, nuk është vendimmarrje menjëherë e ekzekutueshme dhe sapo të na vihet në dispozicion vendimi i arsyetuar ne do të bëjmë rekurs në Gjykatën e Lartë. Vendimi i Gjykatës së Apelit nuk mund të ekzekutohet. Për rrjedhojë, Kuvendi i 11 dhjetorit dhe vendimi i shkallës së parë (25 mars 2021) që e ka certifikuar si i tillë janë në fuqi dhe si i tillë duhet regjistruar nga KQZ"./CNA.al





Lajmet e fundit nga