E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Basha regjistron Alibeajn në KQZ me dokumente false/ Gurra: Shkeljet dirigjohen nga Rama

6 Mars 2023, 17:01, Politikë CNA

Basha regjistron Alibeajn në KQZ me dokumente false/ Gurra: Shkeljet

CNA publikoi sot dokumentin që tregonte se Lulzim Basha nuk e ka dhënë dorëheqjen si kryetar i PD-së, ndonëse deklaroi publikisht se do ta bënte një gjë të tillë një vit më parë.

Për këtë ka reaguar edhe gazetari Hysni Gurra, i cili vë në dukje shkeljet e Bashës, i cili autorizoi sot Enkelejd Alibeajn të regjistrohet në KQZ me dokumenta false.

Me anë të një statusi në rrjetet sociale, Gurra thotë se të gjitha këto shkelje arbitrare dirigjohen nga kryeministri Edi Rama, pasi pretendon se janë zhytur thellë në korrupsion.

“Basha ka dhënë dorëheqje me gojë, po jo me firmë.

Gjykata e Apelit kthen mbrapsht një vendim që s’i përket dhe për më tepër të ankimuar nga askushët.

Basha sot sërish, i dorëhequr, autorizon Alibeun të shkojë në KQZ për regjistrim… të gjitha këto shkelje arbitrare dirigjohen nga kryekorruptuesi i FBI-së dhe bekohen nga Sharabajka.

Pse e bëjnë këtë? Pse e lejon Amerika një arbitraritet të tillë, pyesin shumë njerëz?

E bëjnë sepse janë zhytur thellë në korrupsion, nga McGonigall deri te Sharabajka, janë funksionarë të lartë dhe e dinë që Amerika nuk e lejon këtë. E dinë që do t’i hetojë. Ndaj përdorin forcën dhe propagandën që kanë në dorë për t’i mbyllur punët me dhumë. Përdorin etiketën që u ka dhënë Amerika për t’i hedh sirin publikut se gjoja këtë padrejtësi po e lejon Amerika.

Padrejtësia dhe anti ligjshmëria që po përdorin këta për t’i vënë kapa pusetës së tyre të pistë është në proporcion të drejtë përmasën e aferës që janë përfshirë dhe njohjen e tyre se kjo gjë nuk do mbyllet më. E dinë që nuk do e shmangin dot më shpërthimin ndaj duan t’i vendosin kapakun me zor.

Amerika është e madhe, e fortë, por nuk është hermetike si Kina që gjithçka të kalojë vetëm në duart e 1-shit dhe të mbyllet paq.

Ka shumë rryma, ka shumë korente dhe më e rëndësishmja atje media, drejtësia, pushtetet e tjera nuk i kontrollon vetëm një dorë, si në Kinë, Rusi, Serbi e Shqipëri.

DEA amerikane ka ardhur në Shqipëri dhe anashkalon ambasadën dhe shtetin shqiptar- thirrje shqiptarëve për të denoncuar direkt në nr e tyre të kontaktit për drogën e trafiqet”, shkruan ai./ B.A. - CNA.al

Basha regjistron Alibeajn në KQZ me dokumente false/ Gurra: Shkeljet