web counter
LEXO PA REKLAMA!

SHKARKO APP

App Store
Google Play

E fundit!

x

Pas 7 orësh mbledhje/ Alibeaj zbardh diskutimet me të vetët

6 Mars 2023, 19:25, Politikë CNA

Pas 7 orësh mbledhje/ Alibeaj zbardh diskutimet me të vetët

Vetëm pak minuta më parë ka përfunduar mbledhja e Enkelejd Alibeajt me Kryesinë, ku morën pjesë disa deputetë të grupimit të tij.

Në një prononcim për mediat, Alibeaj tha se nuk e sheh vendimin e Gjykatës së Apelit si një trimf, por ngarkim përgjegjësish.

“Ajo çfarë kam propozuar, gjen kënaqësinë ta them që gjetëm mirëkuptim, në fakt është se vendimi i Gjykatës së Apelit nuk përbën kurrsesi asnjë moment triumfi, relaksi, vetëm se është një moment ngarkimi me përgjegjësi historike.

Jam i vetëdijshëm dhe jam i kënaqur që gjeta të njejtën konsideratë të kolegëve që jemi më të vendosur më shumë se kurrë që së bashku me demokratët pa dallim dhe bashkëpunim të ngushtë me SHBA, BE e forcojmë dhe e çojmë më tej.

Diskutuam tre çështje, po i lexoj edhe për dijeninë tuaj në formën e një platforme.

PD merr përsipër ndërtimin e një aleance sa më të gjerë të mundshme të të gjitha partive të djathta, brenda kornizës përbashkuese të vlerave demokratike kombëtare e perëndimore. 

Së dyti, kjo është akoma më e rëndësishme. Lidhur me Këshillat bashkiakë, ju kam propozuar dhe është miratuar që duhet të fillojmë menjëherë nga puna që të mbledhim demokratët. Rregullat dhe mekanizmat do të përcaktohen në lidhje me përbërjen e listave.

Së treti, lidhur me kandidatët për kryetarë bashkie. Në funksion të bashkimit dhe duke konsideruar realitete që kanë prodhuar Primaret e para vitit 2021, votimet me Primare nga grupi i Rithemelimit e kandidatë të tjera, kam propozuar hapjen pa asnjë lloj kufizimi ndaj gjithë këtyre prurjeve, kandidatëve tanë, të Rithemelimit dhe prurjeve të reja. Të dalim me një kandidat unik. Kjo është ajo që kam propozuar unë, një kandidat për demokratët dhe fitues”, u shpreh ai ndër të tjera./ CNA.al





Lajmet e fundit nga