web counter
LEXO PA REKLAMA!

SHKARKO APP

App Store
Google Play

E fundit!

x

Territorialja/ Ministri Demo: Nuk duhet ta perceptojmë sikur thjesht po vizatojmë ca kufij

28 Janar 2026, 11:50, Politikë CNA

Territorialja/ Ministri Demo: Nuk duhet ta perceptojmë sikur thjesht po

Ministri i Shtetit për Pushtetin Vendor, Ervin Demo, ka zhvilluar një konferencë me gazetarët, ku ka folur për reformën territoriale.

Demo tha se reforma nuk duhet të perceptohet thjesht si një proces që do të ndryshojë kufijtë e bashkive.

Më tej, Demo tha se reforma territoriale duhet të bazohet në të dhëna dhe në eksperiencat e mëparshme, reformë të cilën ministri e cilësoi si sfidë. Demo deklaroi se ministria do të përfshijë sa më shumë aktorë në procesin e reformës territoriale teksa tha se shpreson që kjo reformë të zjgas më shumë se 10 vite.

Duke u ndalur te ndryshimi i qarqeve, Demo tha se ky ndryshim do të sjellë vetvetiu ndryshime në disa nivele sensitive siç është Kodi Zgjedhor.

 

“Reformën Territoriale nuk duhet ta perceptojmë si një proces që do të ndryshojë kufijtë e bashkive. Reforma territoriale duhet të bazohet në të dhëna, në eksperiencat që tashmë kemi. Cilat janë sfidat me të cilat bashkitë janë përballur. Duhet të jemi të ndërgjegjshëm për rëndësinë që ka kjo reformë, në mënyrën se si do të menaxhojmë territorin. Reforma një sfidë jo e vogël, por një mundësi e jashtëzakonshme. Shpresoj të kemi një reformë që zgjat më shumë se 10 vite.

Ministria do të luajë një rol duke përfshirë sa më shumë aktorë në këtë proces.

Ne duhet të bëjmë një analizë, aktorë të ndryshëm e shohin Territorialen në këndvështrime të ndryshme. Ky është një shans shumë i mirë të bëjmë një analizë të funksioneve në nivel vendor. Ne nuk duhet ta perceptojmë sikur thjesht po vizatojmë ca kufij të rinj. Duhet të shohim çfarë do të jenë sfidat e së nesërmes. Bashkitë nuk janë ato që kanë qenë para 10 vitesh, ne kemi pafund probleme territoriale. Bashkitë janë rritur, është e padiskutueshme kjo. Duhet të garantojmë që nesër të kemi shërbime më të mira sesa sot.

Ndryshimi i qarqeve sjell vetvetiu dhe ndryshime në nivele që janë sensitive, siç është Kodi Zgjedhor. Ka shumë vend për të diskutuar dhe sa u përket qarqeve. Në javët që vijnë do të kemi një debat të hapur, që shpresoj të jetë gjithëpërfshirës duke filluar nga aktorët në Parlament. Ky proces tashmë ka filluar, thirrje të gjithë aktorëve të përfshihen.

Komisioni i Posaçëm do të fillojë procesin publik, do të prodhohet një dokument për diskutim publik. Të gjithë aktorët duhet të jenë publikë. Ky dokument do të flasë për konceptin se si duhet të jetë një bashki që të ketë kujdes. Cilat janë sfidat dhe çfarë ne perceptojmë. Ne si ministri do të mbështesim edhe komisionin me informacion”, tha Demo./CNA





Lajmet e fundit nga