web counter
LEXO PA REKLAMA!

SHKARKO APP

App Store
Google Play

Seancë maratonë/ Miratohen me 85 vota pro ndryshimet në Kodin Penal

28 Janar 2026, 07:50, Politikë CNA


Kuvendi i Shqipërisë ka zhvilluar një seancë maratonë prej 18 orësh. Paketa për ndryshimet në Kodin Penal është miratuar me 85 vota pro.  

Ndryshime përfshijnë ashpërsimin e masave për parkimin dysh dhe dekriminalizim e shpifjet për gazetarët.

Ministri i Drejtësisë, Besfort Lamallari, ka reaguar për miratimin e paketës, ku është shprehur se ndryshimet e miratuara shënojnë një tjetër përpjekje për forcimin e shtetit të së drejtës.

 

“Pas 18 orë seancë plenare miratohet në Kuvendi i Shqipërisë paketa e ndryshimeve në Kodin Penal!

Ndryshimet e miratura me 85 vota shënojnë një avancim tjetër në përpjekjen tonë të përbashkët për forcimin e shtetit të së drejtës, adresimin e shqetësimeve që lidhen me sigurinë publike, kontrollin e territorit, pastrimin e parave, trafikimin e qënieve njerëzore, terrorizmit etj.

Veç kësaj, përmbushim gjithashtu detyrimet që rrjedhin nga procesi i integrimit për në BE, përmes përafrimit të 7 akteve kyçe të Acquis communautaire”, shkruan Lamallari.

Gjatë seancës plenare u miratuan gjithashtu:

Akti normativ për ndryshimet në ligjin e Buxhetit 2025

Projektligji për bashkëpunimin strategjik

“Shqipëria në Traktatin për Pronësinë Intelektuale”

Projektligji “Për tregtinë e pronësisë intelektuale”

Projektligji “Për shërbimet e agjencive të udhëtimit

Projektligji “Për tregtinë e paligjshme të duhanit”

Projektligji “Për ndryshimin e Kodit Penal”

Projektligji “Për statusin e gjyqtarëve dhe prokurorëve”

Projektligji “Për organet e qeverisjes në drejtësi”

Projektligji “Për dhunën ndaj grave dhe dhunën në familje”

Projektligji “Për lobimin në Republikën e Shqipërisë”

Projektligji “Për importin dhe eksportin e armëve”

Projektligji “Për organizimin e Komisioneve Hetimore të Kuvendit”

Projektligji “Për Mediat Audiovizive”/CNA





Lajmet e fundit nga