web counter
LEXO PA REKLAMA!

SHKARKO APP

App Store
Google Play

Shtyrja e Censit, në 15 nëntor/ Partia Aleanca Maqedonase për Integrimin Evropian, kërkesë INSTAT

27 Tetor 2023, 13:45, Politikë CNA
Shtyrja e Censit, në 15 nëntor/ Partia Aleanca Maqedonase për
Nënkryetar i partisë Aleanca Maqedonase për Integrimin Evropian, Eftim Mitrevsk

Nënkryetar i partisë Aleanca Maqedonase për Integrimin Evropian, Eftim Mitrevski, ka folur lidhur me Censin e popullsisë.

Eftim Mitrevski përshëndeti vendimin e INSTAT për ta shtyrë procedurën e regjistrimit të popullsisë dhe banesave, deri në 15 nëntor, ndërsa tha se ka kërkuar që zgjatja e procesit të përfshihet edhe në Bashkinë e Pustecit, për minoritetin maqedonas.

"Ne si parti politike Aleanca Maqedonase për Integrimin Evropian, së pari përshëndesim vendimin e INSTAT për zgjatjen e periudhës së regjistrimit edhe për dy javë. Kërkojmë nëpërmjet medias, po ashtu dhe si parti politike, i kemi kërkuar INSTAT që zgjatja të përfshihet edhe në zonën e Prespës, ose më saktë në Bashkinë e Pustecit, aty ku jeton minoriteti maqedonas.

Ky është qëllimi ynë, e përshëndesim edhe njëherë këtë vendim, prandaj kërkojmë që për vetë faktin se ka shumë maqedonas, thuajse çdo mëngjes kalojnë kufirin duke punuar në Maqedoni. Tani është periudha e mbledhjes së mollëve. Gati 300-400 punonjës një herë në javë kthehen në shtëpi. Ky ka qenë qëllimi ynë, për të dërguar një apel për INSTAT-in që të zgjatet kjo periudhë në zonën e Prespës.

Nuk kanë mundur dot të regjistrohen të gjithë, ka pasur këto dy javët e fundit një periudhë qetësie, pasi edhe vetë punonjësit që bëjnë regjistrimin, nuk kanë pasur njerëz për vetë faktin se kjo punë sezonale është tani aty, dhe kërkojmë që për periudhën që u zgjat nga INSTAT, të përfshihet edhe minoriteti maqedonas në zonën e Prespës", tha Eftim Mitrevski.

Kërkesa e Mitrevskit drejtuar INSTAT, ka ardhur ndër të tjera, pasi sipas tij qytetarët e Bashkisë së Pustecit nuk ndodhen në banesa, për shkak se është periudha e mbledhjes së mollëve, dhe banorët shkojnë të punojnë në mënyre sezonale në Maqedoninë e Veriut./ CNA





Lajmet e fundit nga