web counter
LEXO PA REKLAMA!

SHKARKO APP

App Store
Google Play

E fundit!

x

Shkullaku: Veliaj shantazhoi gazetarët, SPAK të hapë hetim të ri

6 Maj 2024, 22:54, Politikë CNA
Shkullaku: Veliaj shantazhoi gazetarët, SPAK të hapë hetim
Gazetari Armand Shkullaku

Gazetari Armand Shkullaku e ka cilësuar si shantazh dhe kërcënim sulmin e kryebashkiakut Erion Veliaj ndaj gazetarëve ditën kur u mor në pyetje nga prokurorët e posaçëm.

Shkullaku tha në emisionin e Çim Pekës se SPAK duhet të hapë një hetim të ri ndaj Veliajt në lidhje me shantazhin nda gazetarëve.

Për më tepër, ai theksoi se kryebashkiaku duhet të thirret për shantazhin ndaj njerëzve të medias.

"Të analizosh pse ndryshon qëndrim Veliaj, është të humbasësh kohën kot. Është ajo që kemi thënë vazhdimisht, është nga ato personazhe, që për shkak se është rritur në hijen e dikujt tjetër, nuk ka kryer procesin e fotosintezës, pa qëndrim dhe parime. Është si ta sjellë situatë dhe rrethana.  Nga absurdi qesharak që po shkoj të bashkëpunoj me kolegët e SPAK, del se paska marrë disa fletëthirrje që është thirrur në SPAK.

E kemi parë Veliajn edhe agresiv, edhe puthador. Ngre dyshimin, a ka personalitet si individ? Shikoni si sillet me Ramën dhe me ata që ka poshtë vetes. Zgërdhihet nga sikleti kur Rama i bën ato cirqet. Është kapur disa herë në gënjeshtër, nuk ja vlen ta diskutosh ndryshimin e tij. Ai ditën që bën ndërhyrje në spital, shfaqet duke mbjellë pemë në emision. Pra, falsitetin dhe të pavërtetën e shfaq hapur dhe nuk e ka problem. Pata bërë një kronikë, kur u martua në Gjirokastër dhe të nesërmen ai doli për të inspektuar një shkollë...

Elementë të tillë t’i diskutosh, është të marrësh veten jo seriozisht. Tentoi të sulmojë gazetarët, e kam quajtur tentativë që Veliaj të bëhej ai burri me tope çeliku, në mbledhjen e Federatës. Ai donte të tregonte forcë kur doli nga SPAK-u. Erion Veliaj mendoj se duke krijuar front të ri të armiqve, t’i nxjerrësh edhe me foto, mendoj se SPAK duhet të hapte urgjentisht një hetim për këtë punë, sepse është shantazh i hapur dhe ne bëhemi target i militantëve. Ai duhet të thirrej për këtë çështje në SPAK, shantazh dhe kërcënim ndaj personave me emër dhe figurë. Mendoi se do të krijonte një front. Ideja, midis së mirës dhe së keqes”, nënvizoi Shkullaku./ CNA





Lajmet e fundit nga